Konfinamentu Obrigatoriu, PNTL Husu Sidadaun Hakmatek Iha Uma

DILI, STLNEWS.co – Portavoz Komando Jeral Polisia Nasional Timor-Leste, (PNTL) Superintendente Xefe Arnaldo Araujo hatete, relasiona konfinamentu obrigatoriu neebe maka kontinua implementa, tanba nee PNTL husu sidadaun sira atu hakmatek iha uma hodi prevene aan husi pandemia surtu Covid-19 iha Rai laran.

Nia dehan, hakarak informa deit ba komunidade sira tomak, liu-liu konaba situasaun neebe maka Timor Leste infrenta hela hanesan Covid-19 neebe maka tula hela mai ema hotu nia leten, hanesan buat ida nebe maka sai preokupasaun boot ba rai Timor laran tomak ida nee.

“Hakarak hatete deit katak dekretu governu no.14, 2020 data 29 de Abril 2021 kona ba pedidus ezekuasaun do estadu de emerjensia iha situasaun ida nee hakarak hatoo ba komunidade tomak katak, PNTL hanesan ezekutor ba iha medidas de ezekusaun ida nee liu-liu konaba estadu emerjensia. Hakarak hatoo deit saida maka governu hatoo tiha ona, no hakerek tiha ona iha dekretu governu ida nee katak sidadaun hotu hotu tenki hakmatek iha uma no labele sai ba mai iha liur,” dehan nia ba jornalista sira, liu husi konferensia imprensa, iha nia knaar fatin Caicoli, Dili, Sesta (30/04/2021).

Nia esplika, konaba konfinamentu domisiliariu katak ema hotu labele sai se enkuantu laiha aktividades ruma, tenki hakmatek iha uma, hakarak ba hospital hodi halo tratamentu nee bele ba, no ba sosa aimoruk iha apotik mos bele ba, ba sosa sasan nesesidade bazika sira mos bele ba, selain husi ida nee la presiza ba tanba ida nee hodi hases aan husi moras ida nee nunee bele hamate mos moras Covid-19 ida nee.

Segundu, hospital, klinik, farmacia sira sei loke nafatin, supermerkadu no kios ka loja sira neebe maka faan aihan sei loke, tiga roda sira no ema sira nebe maka faan sasan hanesan ai-leba nee bele halao aktividades nafatin, sira neebe servisu iha komnikasaun hanesan telephone, internet, eletrisidade kontinua loke.

Enkuantu kompania transporta sasan ka loja kostrusaun bele loke nafatin, no servisu esensial administrasaun publika sei loke nafatin, banku sei bele loke, hodi atende ema nia exizensia, tribunal sira mos lao hanesan bainbain, sasan mina nian gazolina sei loke nafatin.

“Ida neebe bandu labele maka labele partisipa iha serimonia funeral, tanba labele halibur malu liu husi ema nain 10, tanba liu husi ema nain 10 nee ema barak tebes, tanba fasil tebes hodi hadaet moras ida nee, inkui kultural sira seluk neebe maka halibur ema barak,” dehan nia.

Aleinde bandu mos ema tama sai husi Dili ba foho, nomos foho mai Dili, komersiu nomos loja sira neebe maka la faan sasan ka servisu esensial tenki taka, eskola sekundaria pre-sekundaria primaria inklui universidade sira provizoriumente sei labele halo aktividades eskola.

Depois serimonia relijiozas sira neebe maka tuir iha EE nee mos sei la admite atu partisipa iha misa, tanba iha neeba mos halibur ema barak.

“Transporte publiku sira neebe maka tula pasajeirus sira nee mos sei la autoriza atu halo sira nia aktividades, restaurante sira ema bele ba sosa hahan deit, maibe labele ba tur hodi han iha neeba, sira bele sosa hodi ba uma maka han iha uma,” esplika nia.

Hotel sira sei loke nafatin, maibe sira neebe maka hetan autoriza loke nee tenki kumpre regras neebe maka Minsiteriu Saude fo sai, hanesan tenki tau bee ba iha fatin neebe maka sira faan ba, tau sabaun, nunee ema tama ba bele fase liman.

Ema neebe maka atu tama ba loja laran ka sosa sasan tenki uza maskra, no sira neebe maka faan sasan iha loja sira atu atende konsumedor sira tenki uza hotu maskra nunee bele evita ema ida ba ema seluk, nunee moras nee labele daet ba malu.

Portavoz nee nafatin apela ba kareta nain sira ou motorista sira neebe maka lori transporte publiku, provizoriumente atu kumpre lai regra no prosidementu neebe maka EE hasai hela nee, se karik sira la kumpre PNTL sei foti asaun tuir lei neebe maka vigora iha TL.

Hodi halo tuir prosesu neebe maka tuir lei neebe vigora iha TL nee husu mos ba komunidade sira tanba moras pozitivu nee aumenta ba bebeik, tanba moras nee ho ida nee husu ba ema hotu kumpre nafatin uza maskra, fase liman bebeik, distansia sosial, nunee ida-idak bele hases aan husi moras sira nee.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: