Konkursu MJ Prokurador – Defensor Lao Hela

DILI, STLNEWS.co – Sentru Formasaun Juridiku no Judisiariu, oras nee dadaun loke hela konkursu ba iha Majistradu Judisial Ministeriu Publiku no Defensor Publiku neebe lao hela. Konkursu ba Majistradu Judisial nian remata ona hein publika deit naran, no rua seluk kandidatu sira foin hatama dokumentus.

“Konkursu ba Majistradu Judisial Ministeriu Publiku no Defensor lao hotu, husi Majistradu Judisial nian hotu ona, ami seidauk bele publika iha Jornada da Republika tanba nain rua halo rekursu mai ami responde ona, agora rekursu hirarkiu dirije ba Ministru Justisa notifika mai ami fo resposta ona, no agora haruka fila fali ona ba Ministru Justisa hodi bele deside,” dehan Diretor Sentru Formasaun Juridiku no Judisiariu, Antoninho Gonçalves ba STL iha nia knaar fatin Caicoli, Kuarta (12/05/2021).

Nia hatutan, Ministru Justisa deside tiha mak naran sira nee sei publika iha Jornada da Republika, hodi bele hakat ba ezame kuandu dekretu lei fo fatin ona atu ema bele halibur malu, no bele halo ona ezame.

Nunee kandidatu ba Majistradu nian hamutuk 209 ho tan nain rua halo rekursu nee, se simu numeru aumenta, se la simu rekursu nee indefere entaun mantein nafatin ho numeru neebe iha.

Husi Ministeriu Publiku nian, tama mos iha faze inskrisaun maske konfinamentu, maibe sira iha Dili kontinua mai rejistu, no sei iha prazu nia laran maibe iha ona kandidatu 213, no prazu sei lao hela.

Defensoria Publika nian mos loke ona prazu lao hela, no kandidatu neebe hatama ona dokumentus 141, maibe prazu sei lao hela.

Antonino afirma, bainhira dokumentus sira neebe hatama hotu ona no prazu remata ona, maka halo reuniaun ho juri hodi halo verifikasaun dokumentus, hodi haree balu neebe reuni bele taka lista provizoriu, hodi haree se sira la iha reklama ka rekursu ruma, hein deit prazu hotu haruka ha Jornal da Republika hodi publika lista definitivu hodi hein ezame eskrita.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: