KONSSANTIL Garante Aihan Ho Nutrisaun Diak

Ministru Agrikultura e Peska, Pedro dos Reis. (Foto: STL/Madalena Horta)

DILI, STLNEWS.co – Ministeriu Agrikultur e Peska realiza enkontru ho parseiru dezenvolvimentu nomos membru husi lina Ministeiral, hodi koalia konaba servisu Konsellu Nasional Seguransa no Soberania Aihan no Nutrisaun iha TL (KONSSANTIL), no planu ba oin atu diak liu tan produsaun aihan iha rai laran hodi garante nutrisaun diak ba povu.

Ba jornalista, Ministru Agrikultura e Peska, Pedro dos Reis hatete, enkontru Ministeriu Agrikultur ho membru KONSSANTIL nomos parseiru dezenvolvimentu sira nee importante tebes, tanba tuir dadus neebe iha hatudu katak mal nutrisaun iha TL aas, oinsa servisu KONSSANTIL nian ba oin hodi garante seguransa aihan neebe saudavel.

“Ita hare dadus neebe fo sai hatudu katak, TL numeru mal nutrisaun nee aas, tanba nee maka ami foti desizaun atu funsiona KONSSANTIL ho diak, tan nee maka ohin ita hamutuk iha nee hodi kria ekipa ida atu forma lalais KONSSANTIL nia statutu nee ho lolos hodi lori ba aprezenta iha Konsellu Ministru, tanba servisu KONSSANTIL nian atu lao diak maka nia tenke iha statutu rasik,” dehan Ministru Pedro ba jornalista, iha MAP Comoro, Dili, Tersa (23/02/2021).

Nia afirma ekipa sira neebe atu tuur iha statutu KONSSANTIL nee sei nomeia ema nain 4, sei mai husi MAP, parseiru dezenvolvimentu, sosiedade no lina ministeriu sira nee mai atu kolabora hamutuk hodi dudu servisu KONSSATIL nian lao ba oin ho diak, atu nunee redus numeru mal nutrisaun iba TL.

“Hau hanoin ema sira neebe maka ita atu nomeia ba tur iha statutu nee, tenke halo servisu badinas, no nakloke ema hotu karik iha defikuldade ruma karik tenke fo sai ba malu atu nunee ita bele buka solusaun hamutuk, liu liu servisu neebe ligasaun ho seguransa alimentar iha TL, no redus mal nutrisaun iha TL,” dehan nia.*

Reportajen: Madalena Horta/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here