Konstituisaun Lapermite Kandidatura PR Koalia Programa Kampania

DILI – Konstituisaun Republika Demokratika Timor Leste (RDTL) artigu 74 lapermite kandidatura Prezidente Republika (PR) atu koalia programa iha kampania, tanba knar prezidente mak simbolu no garante unidade nasional no mos komandante supremiu forsa armada.

Oras nee kandidatura Prezidente Republika (PR) nain 8 mak ofisial ona hodi kompete iha eleisaun prezidensial mak hanesan, Francisco Guterres ‘Lu-Olo’, Jose Luis Guterres  ‘Lugu’, Jose Neves ‘Samalarua’, Jose Luis Tilman, Amorim Vieirra, Angela Freitas, Antonio da Conceição ‘Kalohan’ no Antonio Maher Lopes ‘Fatuk Mutin’.

Tuir Observador Politika-UNTL, Victor Soares katak, koalia sistema governasaun iha mundu nee rua, ida sistema prezidensial no semi prezidensial, liga ba situasaun Timor Leste uza semi prezidensial kompetensia prezidente limitadu.

Ita haree ba konstituisaun artigu 74 fo limitasaun ba prezidente hanesan xefe estadu, atu garante estabilidade nasional,” dehan Observador Politika-UNTL, Victor ba STL iha nia knar fatin, Kampus Lama-UNTL, Caicoli-Dili, Tersa (21/02/2017).

Observador Politika-UNTL haktuir, iha atividade kampania prezidensial kandidatura sira labele koalia programa, se koalia mak kontra konstituisaun artigu 74. Victor sublina, kandidatura prezidente bele koalia programa, se mak atu ba kondena, nia bele koalia sala ka los laiha instituisaun ida atu ba kondena, tanba haree ba implementasaun konstituisaun balun lao no balun lalao.

Iha sorin seluk, Kandidata Prezidente Republika, Maria Angela Freitas hatete, atu hasoru eleisaun prezidensial iha fulan oin mai sei koalia programa importante 4. Kandidata Angela haktuir, seitor 4 nee esensial tebes tanba seitor sira nee sempre iha ligasaun ba malu husi ida ba ida atu bele dada investor sira husi liur mai halo investimentu. Raimundo S. Fraga

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...