Konstrusaun Prizaun Weberek, Buka Konsultor Halo Uluk Dezenu

DILI, STLNEWS.co Relasiona ho planu governu nian, atu halo konstrusaun ba prizaun neebe lokaliza iha Aldeia Weberek, Suku Dotik, Postu Administrativu Alas, Munisipiu Manufahi, sei buka konsultor ida halo uluk dezenu.

“Foin lalais iha nivel estrutural, hau lori fali pedidu adisional nian, hau la husu barak ida, husu deit mil US$ 200, buka konsultor ida ba halo took dezenu, tanba iha rai 86 hektares neebe rai estadu,” dehan Ministru Justisa Manuel Carceres ba jornalista sira iha prizaun Becora, bainhira remata abertura formasaun ba guarda prizional sira, Tersa horiseik (21/09/2021).

Nia hatutan, tenke halo dezenu ba estabelesimentu prizional, halo dezenu rezidensia guarda sira nian, atu sira servisu dook husi familia labele ba mai, halo dezenu postu saude, dezenu postu polisia, halo armajen tau sasan agrikultura nian, planu sira nee hotu tama iha konstrusaun ba prizaun refere.

Ministru nee mos husu atu nia pedidu nee bele aprova, para tinan oin bele halo dezenu, atu orsamentu tinan 2023 bele tau ona ba konstrusaun.

Iha fatin ketak, Akademiku Universidade Nasional Timor Lorosae (UNTL) Elizeu Soares dehan, presiza duni harii prizaun, atu bele aloka dadur balu ba iha neeba.

“Hau hanoin presiza duni harii tan prizaun, atu bele aloka dadur balu iha neeba,” dehan nia.

Akademiku nee husu, atu kria fatin neebe lua, tau dadur sira, labele husik sira barak liu iha prizaun ida, maske sira sala, nafatin haree sira.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...