Konsulta Popular Ba Dala 22 Inspira Povu TL Harahun Injustisa

DILI, STLNEWS,co – Loron Konsulta Popular 30 de Agostu ba dala 22, inspira povu Timor-Leste hodi tau hanoin hamutuk no halo asaun ho alvu ida deit atu harahun injustisa neebe eziste.

Tuir Fundador Grupu Foinsae Kreativo Liquiça (Fofi Liquiça), Antoninho da Silva Pinto katak, desizaun nebe povu tomak hili iha momentu neeba mak hakotu luta naruk ba libertasaun no tan deit mehi atu hetan liberdade no ukun rasik an no inspiradu ho palavra de ondra “MATE KA MORIS UKUN RASIK AN” haforte povu Timor Leste maioria hodi firme hili opsaun numeru 2 neebe simboliza ho mapa Timor no bandeira lulik CNRT, nunee lori hikas roman foun mai rai nee ho naran sagradu RDTL.

“Espera ho selebrasaun loron espesial ida nee inspira fali Timor oan tomak, hahu husi povu bai-bain too ba lider masimu sira hahu husi ema riku too ema kiak sira, hahu husi ema sidade too ema area remotas sira hodi tau hanoin hamutuk no halo asaun ho alvu ida deit atu harahun INJUSTISA neebe eziste, nunee bele atinje mehi ba ‘Libertasaun Total no Kompletu’ no sei sai aliserse ba misaun lulik transforma RDTL sai nasaun’ Riku Forte no Seguru’ iha tempu prezente no ba futuru,” dehan nia ba STL liu husi Via telefone, Domingu (29/08/2021).

Nia hatete, tinan 22 liu ona no goza liberdade neebe furak tebes tan laiha ona intimidasaun no teror, laiha ona pemeriksaan KTP, laiha ona insultu, violasaun oi-oin, tortura, no seluk-seluk tan. Mesmu sei enfrenta injustisa oi-oin maibe la todan liu saida mak eziste no povu tomak sofre antes 1999.

“Uluk povu maioria ho hanoin ida deit vota ba opsaun UKUN RASIK AAN, agora mos ita tenki hanoin ida deit apoio luta foun ba liberta povu,” tenik nia.

Nia dehan povu Timor-Leste apoio ona estadu (PR, PN, PM no Tribunal) neebe uluk delega ona lider karismatiku Kay Rala Xanana Gusmão hodi ba luta no konsege define ona  fronteira tasi nian, nunee iha posibilidade hodi dada mai teritoriu mina rai neebe konsidera nudar riku soin boot povu no rai TL nian.

“Husu liu liu ba jerasaun foun neebe 1999 idade ladauk too ba vota, maibe agora imi nia idade liu 17 anos ona nunee iha ona biban atu halo istoria iha imi nia vida kona ba partisipasaun iha luta ba libertasaun,” dehan nia.

Nia husu ba joven sira laos partisipasaun liu husi vota deit maibe fornese apoio liu husi estuda makaas liu tan tantu iha edukasaun formal, non formal, nomos informal atu sai ema matenek neebe bele garante transisaun jerasional neebe kualidade aas no prontu kompete ho ema iha mundu.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: