Kontinua Ultrapasa Fronteira, KRAM Sei Taka Ranting PSHT

DILI, STLNEWS.co – Prezidente Komisaun Reguladora Arte Marsiais (KRAM), Octavio da Conceição hatete, ba futuru kuandu pakote lejislasaun sira remata no aprova ona iha Konsellu Ministru, karik membru Persaudaraan Setia Hati Terate (PSHT), kontinua ultrapasa ilegal fronteria hodi ba sae sintu iha Indonezia, KRAM sei taka hotu ranting PSHT kada munisipiu idak – idak nian.

Nia dehan, KRAM nia kompetensia propria mak nee, halo lei regula, kontrola atividades iha rai laran nee kompetensia propria neebe hatur iha lei numeru 5/2017, konaba ultrapasa fronteria nee responsabilidade komando Polisia Nasional Timor Leste (PNTL) nian, ka autoridade seguransa hotu neebe koloka iha fronteria hodi haree atividade sira neebe ultrapasa ba fronteria, nee laos komisaun reguladora nia kompetensia propria, maibe KRAM kontinua koopera hamutuk ho parte seguransa defeza nian hodi fo informasaun ba malu oinsa mak bele kontrola atividade sira nee.

“Iha futuru mai kuandu pakote lejislasaun sira remata ona, aprova ona iha Konsellu Ministru mak sei aplika sansaun sira neebe mak todan tebes ba sira nia membru rasik, nomos ba sira nia organizasaun sira, se sira kontinua komete nafatin infrasoens sira nee mak KRAM iha kompetensia tuir numeiru 5/2017 artigu 9 alinea A ho B nee, bele hasai pareser ba kanselamentu ka autorizasaun ba sira nia atividade iha sira nia ranting neebe mak iha munisipiu, kuandu sira nia membru sira komete nafatin,” dehan Octavio ba STL, iha sede KRAM, Dili, Kuarta (25/08/2021).

Aleinde nia mos haktuir, iha fulan nee KRAM kontinua koopera ho komando PNTL halo ona chamada ba Prezidente PSHT, ba iha komando PNTL hodi fo informasaun sobre membru sira neebe kontinua ultrapasa illegal ba Atambua, i foin lalais liu ba KRAM mos bolu fundador sira husi PSHT mai iha sede KRAM hodi chama atensaun, se kuandu membru sira la iha disiplina nee fila fali ba profesionalismu internal atu kontrola, maibe komete krime kontra lei nee prosesu judisial kontinua lao nafatin.

Kuandu ba oin mak munisipiu ida kuandu iha rantin ida mak kontinua komete infrasoens sira nee KRAM taka tiha, i labele halo atividade, kuandu sira kontinua lao KRAM sei fo sansaun ba sira nia organizasaun, i dada hikas fali autorizasaun neebe KRAM fo. 

Antes nee Prezidente Organizasaun Persaudaraan Setia Hati Terate (PSHT) Timor Leste, Baltazar Lemos hatete, membru hirak neebe hakat ilegal hodi ba sae sintu iha Atambua, Nusa Tengara Timur (NTT) Indonezia, laiha konesimentu husi lider organizasaun PSHT.

Nia dehan, membru sira neebe kontinua hakat ilegal hodi ba sae sintu iha Indonezia, laiha karta konesimentu ruma husi organizasaun, tanba dadaun nee organizasaun tolu guvernu seidauk loke hikas sira nian atividade.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: