DILI,STLNEWS.co – Atu kontrola diak liu tan atividade peska ilegal iha Timor-Leste, oras ne’e daudaun Governu Timor Leste hein hela Governu Australia atu oferese roo rua mai.
Kestaun ne’e fo sai husi Diretor Jeral Peska, Acacio Guteres ba STL iha Timor Plaza, Kuarta ne’e (03/05/20223).
“TL iha potensial boot ba ikan, tanba ne’e atividade ilegal mos kontinua iha, tan ne’e Governu TL hein hela Governu Australia ne’ebe promete ona atu apoiu roo patroliu 2 mai TL, hodi halo kontrola diak liu tan atividade peska ilegal iha rai laran, no agora governu hanoin hela atu loke tan industria ruma, ho nune’e roo boot sira bele mai kaer hodi fornese ba ema sira neebe hakarak sosa,” dehan Direitor Peska ne’e.
Nia afirma, TL hanesan potensial boot ba ikan, maibe too agora seidauk halo explorasaun didiak, tanba ne’e mak governu hanoin ona atu loke industria boot ruma, no loke tenderizasaun ba roo boot sira ne’e mai kaer ikan hodi hatama ba industria, tanba ne’e planu no hanoin sira ne’e lao ona, hein atu estabelese ka realiza deit.
(mad)
