Kontrola PSIK Lori Pistola

DILI, STLNEWS.co – Xefe Estadu Maior Jeneral F-FDTL, Major Jeneral Lere Anan Timur husu governu atu kontrola membru Polisia Sientifika Investigasaun Kriminal (PSIK) nebee mak lori kilat.

“Konaba pistola ka armas nee, ita nia konstituisaun dehan katak instituisaun rua F-FDTL ho PNTL maka kaer, agora PSIK nee la hatene, hau mos la hatene se sivil ka polísia, hau dehan katak nia laos polísia, tanba foin dadauk kilat mai nee la liu husi polísia, sira neeba halo kontrolla sira nia kompañia ida neebe nia kilat tama ona, hau hanoin katak governu tenke kontrolla sasan sira nee,” dehan Xefe Estadu Maior Jeneral F-FDTL nee bainhira remata enkontru regular ho Prezidente Republika iha palasiu Prezidente Bairru Pite, Kuarta (14/10/2020).

Lere afirma Governu presiza kontrola, se lae aban bainrua ida-idak sosa kilat, ida-idak hatama kilat, se PSIK ida foin dadauk simu kilat, sira nee iha Komandu Polísia nia okos ka iha se nia okos, sira nee polísia ka la polísia ida nee maka governu tenke haree didiak.

Nia hatutan material de Guerra nee laos buat halimar, nee ba oho ema, se bainhira membru PSIK diskute no oho ho ema ruma, se maka responsabiliza, sem duvida instituisaun maka responsabiliza, ema husu militar ka polísia, laiha, laos polísia, laos military. “Nusa maka kaer kilat oho fali ema, nee tenke responsabiliza ka lae,” komenta Lere.

Jeneral fitun rua nee hatutan lei dehan katak so militar ho F-FDTL maka bele kaer kilat, ida nee maka bele haruka importa kilat mai, material de Guerra mai nusa maka agora mos ida-idak haruka mai, nee governu maka deside.

“Hau hanoin katak, hau nuudar elementu seguransa ninia no responsabilidade seguransa, hau hanoin buat neebe metodu ka dalan neebe la loos. Kilat nee podia mai PNTL maka fahe ba sira, laos sira maka ba, aban bainrua ONG ida mos bele rekezita kilat, hanesan ita loke ona dalan hanesan nee bele, nee maka hau hanoin katak governu, Ministeriu Interior, Ministeriu Defeza sira tenke tuur hamutuk haree problema sira nee, tanba ida nee perigu tebes, perigu ba ita nia rain, kilat hira tama mos ita la hatene, polísia la hatene nee ida-idak saida tanba neeba nee la hatene, nee too agora seidauk hatene,” Lere preokupa.

Entretantu Ministru Defesa Filomeno da Paixão De Jesus dehan, PSIK instituisaun ida neebe aprovadu husi Konsellu Ministru atu uza kilat, laos kilat boot, laos kilat naruk, sira uza pistol deit no pistol nee dehan mai hotu ona aprovadu husi governu, aprovadu husi Konsellu Ministru tanba nee implementa deit.

“Autoriza ona nee signifika sira iha direitu atu uza porte armas, agora ita uza porte de armas ita hotu iha regras empeñamentu laos tiru arbiru, so sira uza iha tempu neebe nesesariu,” argumenta Paixao.

PSIK tuir nia halo servisu neebe todan teb-tebes, PSIK laos halo servisu neebe servisu intelejensia militar ka servisu intelejensia polísia nian halo. Maibe sira nia servisu nee sufistikadu tebes-tebes too krime sira neebe lakonsege deteta nee so sira maka deteta no sira bele hetan impedementu barak durante sira nia servisu, tanba nee maka estadu, governu tuur hadia hanoin no deside atu sira tenke iha protesaun ba sira nia isin lolon.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Lapartisipa Renova EE, Horta: Loloos PM Mak Lidera

DILI, STLNEWS.co - Relasiona Parlamentu Nasional (PN) konsidera governu laiha ona lideransa, tanba Primeiru Ministru (PM) ho Vise la partisipa iha renovasaun Estadu Emerjensia...

Kandidatu PR, Horta: Hau Husik Xanana – Berta Kompete

DILI, STLNEWS.co - Partidu Politiku (Parpol) sira hahu prepara kandidatu ba Eleisaun Prezidente Republika (ELPR), tinan oin, maibe Premeadu Nobel da Paz, Jose Ramos...

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...
%d bloggers like this: