KRAM Reuniaun Ho Lider Komunitaria Sira

DILI, STLNEWS.co – Komisaun Reguladora Arte Marsiais (KRAM) halo reuniaun ho lider komunitaria sira hodi rona lider komunitaria sira nia hanoin kona ba lei ba atividade artemarsiais.

Tuir Prezidente KRAM, Octavianos Da Conceição katak, Komisaun Reguladora Arte Marsias, halo atividade nee ba arte marsiais nian atu rona lider komunitariu sira nia hanoin hodi hamosu lei ba atividade arte marsiais hodi lori joven sira neebe pratika arte marsiais ba dezenvolvimentu desportu.

Nia dehan, atu kontrola artemarsiais nee kompetensia KRAM nian hamutuk ho komandu PNTL no depois sei halo tuir lei sira neebe nesesariu ona iha KRAM, no iha tinan nee iha kompetensia propriu ba lei 5/2017 konaba fiskalizasaun ba aktividade arte marsiais nian.

“Karik iha infrasaun ruma mak komete husi orgaun artemarsiais sira, ita sei regula ho lei sira neebe mak governu sei halo, KRAM iha planu sai halo lei no aprezenta ba Konsellu Ministru iha fulan Outubru, tanba lei nee sei iha pakote lejislasaun haat,” katak Prezidente KRAM, Octavianos da Conceição ba jornalista sira iha salaun Luz Clarita, Dili, Sesta (09/07/2021).

Octaviano akresenta, iha alterasaun ba lei no.5/2017 iha parte seluk sei hamosu lei propriu konaba koimas hodi kontrola ba atividades arte marsiais nian, prosesu lei hirak nee sei iha konsulta publika liu husi forum diskusaun publika ba lider nasional sira no partidu politika sira, lider arte marsiais sira, orgaun juventude sira, dadus provizoriu ba arte marsiais neebe dadaun nee rejista mak hanesan Organizasaun Persaudara Setia Hati Terate iha ona lejitimidade internal ba organizasaun nian, hodi hetan homologasaun husi SEJD hodi halo rekomendasaun ba notariadu no ba organizasaun seluk mos iha hotu ona prosesu nia laran atu rejistu.

Iha fatin hanesan Xefe Mascarinhas, Rui Elidio de Araujo hatete, hanesan lider hanoin diak ba governu entaun ema hotu hotu tenke fo hanoin molok lei nee sai.

“Lider komunitaria sira importante, tanba iha baze nee arte marsiais neebe mak loke nia treinu atu kaer kompetensia tomak nee lider komunitaria,” nia hakotu.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: