KRAM Submete Ona Dokumentu Kera Sakti Ho KORK Ba Diresaun Notariadu

DILI, STLNEWS.co – Komisaun Reguladora Arte Marsiais (KRAM), neebe mak tutela iha Sekretaria Estadu Juventude no Desportu, (SEJD) submete ona dokumentus husi organizasaun arte marsiais, Ikatan Kera Sakti.PTL nomos Kmanek Oan Rai Klaran (KORK) ba Ministeriu Justisa liu husi Diresaun Jeral Servisu Rejistu Notariadu, hodi hetan legalidade.

Tuir Prezidente KRAM Octavio da Concecao katak, ohin SEJD liu husi Komisaun Reguladora Arte Marsiais mai entrega dokumentu sira, neebe mak KRAM husu ba organizasaun arte marsiais sira, husi primeira diretiva 2020 nian ba kriteiru rejistu organizasaun nian.

“Nunee ami lori organizasaun rua IKS.PTL ho KORK mai entrega dokumentu iha Ministeriu Justisa liu husi Diresaun Jeral Servisu Notariadu, atu bele hetan legalidade tuir dekretu lei numeru 5/2008 nian, hodi bele hetan sira nia legalidade ba sira nia aktu juridiku,” tenik nia ba jornalista sira iha edifisiu rejistu notariadu Dili, Sesta nee (26/11/2021).

Nia dehan, SEJD nomos KRAM halo servisu hamutuk ho organizasaun tolu (3) hanesan IKS, PSHT no KORK, lori tinan ida tomak para atu prienxe kriterius ida nee, hakarak atu hatete ba publiku katak, lideransa husi organizasaun tolu nee halo esforsu i sira kumpre ona kriterius hamutuk 18, i agora dadauk dokumentu nee to’o ona finalidade i ohin entrega ona ba iha Ministeriu Justisa.

Iha fatin hanesan, Diretor Nasional Diresaun Rejistu Notariadu, Joao Fernando Martins mos hatete, haktuir ba dekretu lei numeiru 5/2005 konaba pesoa koletiva la ho lukru ezije obrigatoriamente atividade hotu, organizasaun hotu – hotu tenke rejista hodi hetan personalidade juridiku.

(mar)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...