Kria Jestaun Diak Ba Kareta Funerariu

DILI, STLNEWS.co – Reprezentante povu iha uma fukun Parlamentu Nasional (PN), Deputada Bankada PD Elvina Sousa, husu atu kria jestaun neebe diak ba iha kareta funerariu, tanba fo dignifikasaun laos ba ema moris deit, maibe sira neebe mate mos presiza.

Tuir nia, relasiona ho preokupasaun konaba jestaun kareta funerariu, bainhira koloka kestaun nee ba iha MSSI, maibe sira dehan agora delega tiha ona kompetensia sira nee ba iha estatal, liu – liu Prezidente Autoridade ka iha administrador sira.

“Tan nee, hau husu ba parte relevante sira nee atu halo jestaun ida neebe diak ba iha kareta funerariu, tanba ita laos fo dignifikasaun ba ema neebe moris deit, maibe ba sira neebe mate presiza mos fo dignifikasaun ba sira, nee hanesan responsavel,” dehan nia iha PN, Kinta nee (11/11/2021).

Nia afirma, problema nee husi tempu ba tempu hanesan deit, jestaun kareta funerariu iha problema, tanba maluk barak maka hein kareta funerariu la mai, entaun sira tula iha kareta angguna ou lae tula iha motor deit.

Nia tenik, se orsamentu iha no iha duni trasporte nee signifika iha jestaun, tanba sempre akontese bainhira ema mate husu kareta funerariu atu ba tula sempre dehan avaria, tanba sa la husu fali kareta funerariu seluk hodi bele apoia.

Deputadu nee mos hatutan, tanba situasaun nee sente defisil no ladiak, bainhira maluk sira neebe mate nia familia sempre tula iha kareta publiku ka motor nee la merese.

(dom)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...