Kria Kondisaun Ba Juventude Rejistensia

DILI, STLNEWS.co – Deputada Bankada PLP, Maria Angelina Sarmento, husu governu kria kondisaun ba juventude rejistensia sira iha frente klandestina, tanba barak marnelizadu.

“Tenke kria kondisaun ba joven rejistensia sira iha frenti klandestina nina, tanba sira neebe uluk iha lina frente luta ba libertasaun nasional agora sira barak mak marjinalizadu, i ate balu mate sein ba rejistu iha komisaun omenajen,” dehan nia iha PN, Tersa (04/05/2021).

Nia dehan, iha joven rejistensia barak mak lakonsege halo rejistu, mais agora sira fila hikas ona ba maromak. Tanba sira hanoin katak ba rejistu ema sempre mai ho konseitu ida katak, ba rejistu nee atu hetan subsidiu.

Deputada nee hatutan, barak lakohi atu ba rejistu iha komisaun omenajen, mais sira dalaruma ladun fo importansira ba rejistu katak, ba rejistu ida nee atu hetan ka fo rekoñesementu ba sira nia partisipasaun iha luta. Sira la rejistu posivelmente sira nia oan sira sei labele hetan mos asesu ba rekursu estadu. Neebe mak sira nia vida nee marjinalizadu husi prosesu ida ukun rasik aan ida nee, sira barak mak la too goja independensia ida nee sira husik ona sira nia vida.

“Ami hanesan jerasaun kontinuador luta ba rai ida nee, husu ba governu atu tau matan ba oan kiak sira neebe sira lahetan kondisaun sira nia inan aman mate fo sira nia vida ba rai ida nee,” tenik nia.

Iha fatin hanesan, Deputadu Bankada PD, Mariano Asanami Sabino hatete problema laos balun hetan atu rejistu nee lae, balun konsiensia duni para larejistu.

Rekonesimentu nee tanba uluk iha omenajen iha ona Prezidente Republika (PR) truka balu nain hat (4) ona, husi PR Kay Rala Xanana Gusmão, mai PR Jose Ramos Horta, tuir PR Taur Matan Ruak, i mai PR Francisco Guterres Lú Olo.*

Reportajen: Domingas Soares/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...
%d bloggers like this: