Ksolok Ba Sira Neebe Fiar, Maske Laharee

DILI, STLNEWS.co – Selebra festa São Tome nia, iha evanjellu fo hanoin ba sarani sira katak, ksolok ba ema sira neebe fiar maske laharee.

Liu husi omilia, Amu Vigariu São Jose Aimutin, Padre Ireneus Neonbanu hatete, iha evanjellu ohin loron hatudu mai karakteristik ida husi ema fiar nain sira, dala ruma mosu perguntas barak, tanba sa Tome bele lafiar, maibe Tome hatama liman ba Jesus nia sorin iha momentu nee kedas nia fiar.

Padre Ireneus esplika, wainhira haree iha leitura ka evanjellu iha biblia nia laran komesa husi testamentu tuan ema fiar nain sira sempre ragu-ragu atu fiar ka oinsa, maibe sira nafatin lao tuir maromak nia dalan hanesan Abrão.

“Ohin loron mos Tome hatudu mai ita oinsa ema fiar nain, dala ruma komesa husi keraguan ida nee, wainhira sira hetan grasa ona ida nee, sira komesa konese nai Maromak sira nia fiar metin liu tan, ohin Jesus mos hahi ksolok ba ema sira neebe fiar maske laharee, ida nee maka sai nudar prioridade ba ita,” lia fuan murak nee hatoo husi Amu Vigariu São Jose Aimutin, Pe.Ireneus Neonbanu liu husi omilia wainhira prezide misa iha Igreja Aimutin, Sabado (03/07/2021).

Padre Ireneus haktuir, dala ruma ema hakarak atu husu sinal sai hanesan Fariseu sira para husu sinal husi nai Maromak fo mai ita, kuandu Nai Maromak fo sinal maka foin bele fiar, wainhira Nai Maromak seidauk fo sinal nee sei iha duvidas nia laran.

“Ohin loron liu husi evanjellu, Jesus hakarak fo hanoin mai ita katak nia nafatin nuudar nain ita tenke fiar nia, hau fiar espiritu neebe Aman Maromak haraik ona mai, espiritu neebe sempre dudu ita, espiritu santu neebe sempre hamanas ita atu fiar ba nai maromak. Maun alin sira ho festa São Tome nia mai ita hakaas atu fiar ba nai maromak ita nai iha moris tomak,” dehan nia.

Selebrasaun festa São Tome nia sarani barak maka partisipa inklui madres husi kongresaun sira.*

Reportajen: Joaninha Belo
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: