Kuarentena Kama Laiha, Odete Husu Karpinteiru Produz Kama Halo Barak

DILI, STLNEWS.co – Ministra Saude (MS) Odete Maria Belo husu karpinteiru sira iha teritoriu laran atu produz kama halo barak, nunee governu bele hola tau iha fatin kuarentena para sidadaun sira bele uza.

Kestaun nee hatoo husi Ministra Saude (MS) Odete Maria Freitas Belo, hodi hatan ba fatin kuarentena balun iha munisipiu neebe la iha kama atu sidadaun sira uza hodi deskansa.

“Dadaun nee ami buka hela kama atu hola, maibe se karik ita nia karpinteiru sira mak hatene estuda situasaun agora, lolos nee ita presiza kama laos armari, maibe saida mak ita haree, hanesan agora nee ita nia karpinteiru sira halo armari mak barak liu tau deit iha neeba ema la sosa, tanba neee husu ba sira atu produz kama halo barak para governu bele sosa,” dehan Ministra Saude (MS) Odete Maria Freitas Belo hafoin ho ekipa SIJK remata enkontru ho PM Taur Matan Ruak iha rezidensia Xefe Governu Farol, Tersa (11/05/2021).

Nia dehan, durante nee estok kama iha rai laran ladun sufisiente hodi atende fatin kuarentena neebe iha, tanba nee governu deside sosa iha estranjeiru.

“Tanba iha rai laran rasik estok kama ladun sufisiente entaun ita tenke sosa husi estranjeiru, tanba nee presiza tempu oituan hodi hein kama sira nee to’o para bele distribui ba iha fatin kuarentena neebe seidauk iha kama,” hakotu nia.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Povu Uailili Infrenta Infraestrutura Baziku

DILI, STLNEWS.co – Infraestrutura baziku to'o oras nee sei sai nafatin preokupasaun boot ba komunidade sira iha baze, liu - liu estrada no eletrisidade...

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...
%d bloggers like this: