Kuidadu Relasaun Diak Ho Indonezia

DILI, STLNEWS.co – Timor Leste tenke iha relasaun diak nafatin ho nasaun vizinu Indonezia, para bele servisu hamutuk haree ba povu no nasaun rua nee.

Kestaun nee hato’o husi Embaixador Timor Leste ba Indonezia, Filomeno Aleixo da Cruz ba jornalista, bainhira remata simu pose husi Prezidente Republika Francsico Guterres Lú Olo iha palasiu Prezidensial Bairo Pite, Sesta nee (09/10/2021).

“Ita tenke kuidadu relasaun diak ho Indonezia, tau mos importante ida ba ita, dalan naruk ita lao tiha ona, hamutuk presiza tau atensaun makaas ba saida mak agora hakarak alkansa, liu – liu fronteira no hametin relasaun, haree mos estudante barak iha neeba, dadus sira neebe mak presiza aktualiza beibeik,” dehan embaixador nee.

Nia hatutan, nia mos kaer lia ida neebe mak uluk eis Prezidente Megawati ho eis Primeiru Ministru Marii  Alkatiri iha tinan 2004 dehan, fronteira nee la haketak no la separa, maibe oinsa mak kaer hamutuk para hodi halo enerjia foun, hodi servi povu no nasaun rua nee.

Foto: Media PR

“Prosesu rekonsiliasaun nee, prosesu ida ke lao hela, presiza estadu rua nee hotu hatene tau matan no kaer ho kuidadu, vida sempre iha dinamika ida uniko katak, iha tempu udan anin boot, rai manas makaas, rai malirin makaas no relasaun ema nia, povu mos liu husi dinamika kuaze hanesan,” dehan nia.

Nunee mos esforsu embaixador sira nian, oinsa mak buka tuir saudozu sira nia ruin neebe mak uluk oho to’o oras nee seidauk hetan, politika saida mak halo hatan ba kestaun nee, nia hatete nee nasaun rua hotu tenke tau atensaun hodi ultrapasa, hodi rejolve problema nee, hametin nafatin relasaun diak ho Indonezia.

Nia hatutan, durante nee nia mandatu sei tau mos atensaun ba estudante sira neebe mak iha Indonezia, maibe dadus mak seidauk aktulizadu, entaun tenke servisu ho konsolares iha Jakarta Bali, Cuba, Atambua halo aktualiza konaba estudante Timoroan.*

Reportajen: Emerenciana Pinto

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...