La Aseita Nomeia Ema Liur Sai PJR

DILI, STLNEWS.co – Jurista Timor oan ida konsidera katak, atu nomeia ema ida hodi troka Prokurador Jeral da Republika (PJR) nia fatin, tenke prokurador neebe ho klasse aas ka primeira klasse.

“Hau nia hanoin merese atu tur iha neeba nee maka prokurador Ministeriu Publiku kareira, sira neebe maka hanesan tem bom nota klasse elevada ka primeira klasse maka merese tur iha neeba,” dehan Jurista Sergio Dias Quintas ba STL iha TDD, Tersa (27/04/2021).

Nia hatutan, hanesan jurista nia haree labele foti ema liur tau iha neeba, tanba Ministeriu Publiku agora nee iha ona rekursu sufisiente no kapasidade intelektual, sira rasik mos servisu kleur ona iha instituisaun nee, tanba nee sira nee duni maka merese hetan pozisaun hanesan Prokurador Jeral da Republika, tanba sira iha konesementu iha sira nia instituisaun rasik.

Tanba nee hanesan jurista, sente ladun konfortavel se bainhira Prezidente da Republika hili fali ema seluk, asumi pozisaun hanesan PJR. Tanba prokurador sira ohin loron nee balu iha kareira neebe diak, tanba nee bele lori knaar nee.

Nia esplika tan, se hili fali ema seluk la toman ho instituisaun nee, no preokupa mos ho ema liur nee mai ho interese no kahur sasan balu ka interese ba partidu politiku, maibe prokurador sira agora nee, sira presta duni servisu ba estadu, tanba sai hanesan Ministeriu Publiku sira jura tiha ona ba nasaun rasik katak, sira sei halo servisu nee ho imparsial, liu husi komprimisiu de ondra jura ba estadu no maromak katak, sira sei kumpri deit saida maka lei hateten.

Nunee diferente ho ema seluk neebe mai husi liur, tanba prokurador sira nee halo tiha ona komprimisiu de ondra, sira laos hanesan ema babain.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Povu Uailili Infrenta Infraestrutura Baziku

DILI, STLNEWS.co – Infraestrutura baziku to'o oras nee sei sai nafatin preokupasaun boot ba komunidade sira iha baze, liu - liu estrada no eletrisidade...

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...
%d bloggers like this: