La Hatan Xanana Kompete Iha Eleisaun Prezidensial, Husu Tula Liman Ema Konfiansa

DILI, STLNEWS.co – Estrutura Partidu CNRT kontinua metin, preparadu hasoru Eleisaun Prezidensial, maibe la hatan atu Xanana Gusmao kandidata an, husu tula liman ba ema neebe konfiansa hodi ba kompete, tanba hakarak Xanana fokus ba Eleisaun Parlamentar.

Tuir Domingos Carvalho, Vise Sekretariu CDN Partidu CNRT katak, uluk Xanana hatete ona katak, atu avansa ba kandidatu ba Eleisaun Prezidensial, maibe momentu neeba sira rasik la aseita Xanana kompete iha iha Eleisaun Prezidensial, tanba Xanana figura uniku, kuandu kandidata an nee manan kedas, tanba nee hakarak Xanana kompete iha Eleisaun Parlamentar hodi lori governu ba oin.

“Ami hotu iha CNRT la hatan atu Xanana Gusmao kandidata an ba Eleisaun Prezidensial, maibe ami hakarak Xanana tula liman ba ema neebe nakonu ho konfiansa, hodi nunee Xanana prepara ba Eleisaun Parlamentar hodi kaer governu,” katak Domingos Carvalho, Vise Sekretariu CDN Partidu CNRT ba STL, Kuarta horiseik (24/11/21) iha PN.

Nia inforna, sira hein katak, Xanana sei tau liman ba ema balun atu bele kandidata ba ELPR, neebe se mak prezidente CNRT tula liman sira apoiu tomak.

Enkuantu, kona ba partidu kiik balu halo ona deklarasaun ofisial katak atu apoiu Xanana ba iha Eleisaun Prezidensial, laos nee deit maibe militante husi partidu boot balu mos iha munisipiu halo deklarasaun afilia ba CNRT, nee hatudu ba publiku katak, so CNRT mak bele lori estadu ba oin no ekonomia lao normal.

Nunee mos Prezidente Bankada FRETILIN, Deputadu David Dias Ximenes hatete, oras nee dadaun, Prezidente Republika Francisco Guteres Lú Olo deklara ona ba publiku katak, prontu kandidata an ba Eleisaun Prezidensial, se nia deklara ona, nia sente katak iha kapasidade, nia direitu bele kadidata.

Tuir nia, konaba garante ka lae, maibe ida nee kompetisaun, neebe sente an katak iha kapasidade intelektual, kapasidade fizika, fo suporta ba an, tanba nee mak nia rekandidata an.

(gui/dom)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...