DILI, STLNEWS.co – Diretor Ezekutivu Forum ONG Timor Leste (FONGTIL), Valentin da Costa hateten, Primeiru Ministru (PM) Kay Rala iha autoridade atu halo avaliasaun no troka membru governu, bainhira la hatudu rezultadu servisu neebe diak.
“Se tama ona ba loron 120 mak membru governu balun ladun hatudu servisu neebe diak, Primeiru Ministru iha autoridade neebe diak atu hapara membru hodi nomeia fila rekursu neebe diak atu kontinua implementa programa neebe governu iha,” dehan Diretor Ezekutivu FONGTIL, Valentim da Costa Pinto ba jornalista sira iha edifisiu Asosiasaun HAK, Farol, Kuarta nee (13/09/2023).
Nia hatete, sosiedade sivil laiha autoridade atu halo avaliasaun ba servisu husi kada membru governu sira, tanba nee kompetensia Primeiru Ministru nia.
“Nee kompetensia Primeiru Ministru nia, espera katak Primeiru Ministru sei halao avaliasaun neebe mak diak para bele fihir fali ema neebe bele halo mudansa diak liu husi programa neebe governu iha,” tenik nia.
(alb)
