DILI,STLNEWS.co – Sosiedade Sivil husu ba governu atu kontrola sidadaun estranjeiru sira neebe mai sai toos nain iha Timor Leste (TL), karik la kontrola mak futuru mai ema estranjeiru domina toos iha TL.
“Hau husu ba governu liu-liu instituisaun relevente hanesan Servisu Rejistu Verifikasaun Emprezarial (SERVE) atu kontrola didiak, bainhira fo lisensa negosiu ba ema karik, ema mai atu halo investimentu boot iha TL hodi fo servisu ba Timor oan sira, nee laiha problema, maibe ema liur mai atu halo fali toos iha TL, nee labele, tanba Timor oan sei iha, karik ita la kontrola agora mak futuru mai ema estranjeiru sei sai nain ba ita nia toos iha TL, Timor oan sai penonton,” kestaun nee fo sai husi Diretor Ezekutivu FONGTIL, Valintim da Costa Pinto ba STL iha Hotel Timor, Segunda nee (08/05/2023).
Nia afirma, lo-loos parte relevante sira tenki evita, atu nunee ema labele mai halo fali toos iha TL, no se mak mai investe tenki kategoria ema emprezariu, atu nunee bele kria servisu ba Timor oan sira, tan nee SERVE labele funsiona deit ho rejistu nee, maibe oinsa tun ba fiskaliza, saida mak ema liur mai halo iha TL, no ema liur labele mai halo fali toos hodi taka dalan ba povu agrikultor sira neebe durante nee produs produtu iha rai laran.
(mad)
