La Signifika Jerasaun Tuan Menus Matenek, Tempu Ona Jerasaun Foun Ukun

BAUCAU, STLNEWS.co – Relasiona ho eleisaun presidensial neebe mak sei hahu iha tinan oin, membru Forsa Umanista Timor Leste, João Alvares Pereira hateten, la signifika jerasaun tuan menus matenek, maibe tempu ona jerasaun foun mak ukun.

“Tuir ita nia haree katak jerasaun tuan idade semakin aumenta ba beibeik, nia matenek mos la signifika katak sira hamenus matenek lae, maibe sira nia matenek nee down oituan, entaun husik jerasaun foun tenke luta ba ukun fali se ita entrega nafatin ba jerasaun tuan nee quer dizer jerasaun tuan halo diskrimina jerasaun foun,” dehan membru Forsa Umanista Timor Leste, João Alvares Pereira ba STL iha salaun UFD wainhira ramata tuir formasaun husi Civil Society Education Partnership (CSEP), Sesta (09/07/2021).

Nia afirma jerasaun foun iha kapasidade, tanba jerasaun foun iha S1, S2, S3, balun too agora iha deit uma nusa tenke produs iha parte edukasaun depois iha nivel altu, maibe lakohi kria kondisaun ida ba sira atu bele lidera.

“Ita la fo sala ba se se deit maibe diak liu jerasaun foun mak ukun, tanba ita haree husi kapasidade neebe mak agora dadaun jerasaun tuan sira halo nee fatal, nee fatal lolos neebe iha ita nia oin” nia akresenta.

Nia hatete dezisaun politika neebe mak la klaru, governu atu monu la monu hanesan nee hela deit untuk apa tenke entrega poder ba sira neebe mak tuan, karik iha oportunidade ba jerasaun foun atu ukun tenke fo.

Nia hatutan, ema neebe mak kaer ukun halo jestor ba rai ida nee ou dezenvolvimentu ida neebe mak tenke iha kualidade, pelu menus iha kapasidade neebe mak bele lidera ou organiza.

Labele propoin ema kandidata an naran naran deit, no Timor hatudu nia failansu dala ida deit, labele dala barak, tanba failansu lubuk ida mak akontese ona iha tempu pasadu too mai agora.

“Failansu lubuk ida neebe mak akontese ona iha tempu ida pasads nian too mai agora nee ita lakohi hatutan fali tan iha futuru,” katak nia.

Se deit bele kandidata an ba Presidente Republika periodu 2022 too 2027, maibe tenke hili ema neebe mak iha kapasidade no ema neebe mak iha abilidade lideransa nunee bele lidera dezenvolvimentu iha nasaun ida nee.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: