Labarik 100 Resin Tuir Kompetisaun Pintura

DILI, STLNEWS.co – Komisaun Direitu Labarik hamutuk ho UNICEF no Timor Plaza selebra loron direitu labarik ba dala 18, no labarik nain 100 resin tuir kompetisaun pintura.

Tuir Komisaun Direitu Labarik Dinora Granadeiro informa, loron 20 fulan Novembru hanesan loron mundial ba labarik sira, tanba nee Timor Leste selebra ba dala 18.

“Atu selebra loron mundial labarik nian, maka Komisaun Direitu Labarik servisu hamutuk ho UNICEF no Timor Plaza, inklui hamutuk ho parseiru sira seluk, ita organiza kompetisaun dezenu hanesan atu anima labarik sira, hodi sira bele sente katak, iha loron ida neebe maka ita nia estadu rekonese, fo biban ba sira atu goja sira nia direitu,” dehan nia iha Timor Plaza, Dili, Sabadu nee (20/11/2021).

Nia dehan, husi kompetisaun nee, ba sira neebe sai manan nain primeiru lugar to’o terseiru lugar sei hetan bisikleta ho sasan balun hanesan material eskola nian, nunee mos ba sira neebe hetan harapan
(quarto lugar) sei hetan mos premiu balun.

“Labarik sira neebe tuir kompetisaun nee, ba sira neebe maka la hetan juara no harapan sei hetan mos premiu balun,” dehan nia.

Nia hatutan, atividade pintura nee halao deit iha Munisipiu Dili, iha munisipiu seluk komemora mos loron labarik nee, maibe ho atividade seluk neebe maka iha.

(san)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...