Labele Bandu Defisiensia Asesu Edukasaun

DILI, STLNEWS.co – Diskriminasaun verbal neebe akontese nafatin ba maluk defisiensia sira, ho ida nee labele bandu ema ho defisiensia asesu ba edukassun.

Diretor Ezekutivu Asosiasaun Defisiensia Timor Leste (ADTL), Cesario da Silva, husu ba publiku labele diskrimina ema defisiensia sira, tanba sira mos iha direitu tomak partisipa iha setor saida deit, liu-liu edukasaun nee sira iha direitu bele partisipa.

“Kona ba aktu diskriminasaun ba maluk defisiente sira, ami nian observasaun katak, diskriminasaun verbal sira nee akontese nafatin ba maluk defisiente sira, liu-liu bandu ema ho defisiensia atu labele ba eskola, ou labele halimar sulan deit iha uma, ida nee ami konsidera sai hanesan aktu diskriminasaun ida, sira seluk mak ami nian observasaun katak barak liu maluk defisiente sira diskriminasaun oi-oin husi autoridade no inan aman sira, liu-liu halo prevensaun katak ema defisiente labele halo buat ida, iha uma deit, hau hanoin ho situasaun sira hanesan nee mak kontinua mosu diskriminasaun nafatin,” dehan Cesario ba STL liu husi telefone, Kuarta (05/05/2021).

Nia dehan, labele halo diskriminasaun ba ema ho defisiensia sira, tanba sira mos iha direitu atu bele asesu iha atividades saida deit mak iha, sira mos iha direitu tomak atu hetan edukasaun hanesan ho sira nian maluk sira seluk.

Iha parte seluk, Marcelino Martins, hanesan defisiente, hatete labele hamosu diskriminasaun ba ema defisiensia sira, tanba sira nian koinesementu no kapasidade hanesan ho maluk sira seluk, maibe dala ruma diskriminasaun nee mai husi uma laran mak halo uluk, no balun la lori oan defisiensia ba eskola.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: