Labele Joga Politika Taka Situasaun Real

DILI, STLNEWS.co – Reprezentante povu iha uma fukun Parlamentu Nasional (PN), husu politikus sira atu labele joga politika ho situasaun real neebe akontese iha TL ho vasina AstraZenca neebe hamate ona povu.

Tuir Deputada Bankada CNRT, Maria Bareto Gorimali, hatete estetmentu neebe Minisitra Saude dehan Ilaria de Jusus mate laos tanba vasina AstraZeneca, nee erru ka sala boot neebe maka akontese, tanba diferensia entre politiku ho tekniku saude sira iha terenu munisipiu.

“Tanba nee politika sira labele joga politika hodi taka situasaun real, ami hanesan opozisaun sei nafatin foti kestaun nee liu-liu ba statement katak, Ilaria de Jesus mate laos tanba vasina AstraZeneca, lahanesan ho relatoriu neebe mai husi munisipiu rasik,” dehan nia ba jornalista sira iha Hotel Timor, Colmera Kinta (08/07/2021).

Nia dehan, tanba iha diferensia ideas neebe boot husi parte teknika saude munisipiu deklara katak, buat neebe maka akontese realidade, maibe iha parte politika taka tiha.

Iha fatin hanesan, Deputadu Bankada PLP, Noe da Silva, hatete “hau too ohin loron seidauk hetan informasaun klaru kona ba situasaun nee, maibe hanesan Timoroan situasaun nee akontese duni tuir publiku hatene, nee kestionavel iha servisu parte saude nian, maibe parte MS seidauk informa buat ruma mai iha komisaun relasiona ho situasaun nee rasik,” dehan nia.

Nia afirma, entaun komisaun F seidauk bele fo informasaun detallu ba publika, tanba seidauk iha informasaun ba situasaun ida nee.*

Reportajen: Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: