Labele Kahur Gostu Pesoal Ho Lalaok Profesional

DILI, STLNEWS.co – Prezidente Republika Francisco Guterres Lú Olo husu Majistradu Ministeriu Publiku no sira neebe mak hola parte husi justisa labele politiza ka pior liu partidariza fali, no labele kahor gostu pesoal ho lalaok professional.

“Majistradu Ministeriu Publiku no autor judisiariu sira seluk neebe halo parte iha sistema justisa formal, labele permite intervensaun polítiku-partidaria iha sira-nia lalaok. Sira nia lalaok labele mos politiza (ka pior liu, partidariza fali) atu satisfaz deit forsa politiku-partidaria ruma. Bele haliis ba forsa polítiku-partidária ruma maibe labele kahur gostu pesoal ho lalaok profisional,” afirma Xefe Estadu nee bainhira posse PJR no PTR iha Palasiu Prezidensial Bairo Pite, Kinta (29/04/2021).

Nia hatete, ba knaar sira neebe pertense ba Ministeriu Publiku, presiza iha duni kondisaun ka fasilidade naton. Laos justu ezije kumprimentu dever maibe la fo kondisaun ka fasilidade naton hodi sira bele halao sira nia knaar.

Tanba nee, presiza duni hadiak kondisaun ka fasilidade sira atu majistradu sira iha Ministeriu Publiku bele halao sira-nia knaar ho susesu.

Xefe Estadu nee hatutan, sistema justisa formal sei iha nafatin problema oin-oin. Ida mak prosesamentu kazu lao kleur liu, tanba falta rekursus umanus no falta aptidaun teknika kona-ba materia espesializada. Tenke rekoñese pontu fraku sira atu bele hadiak-an liu husi kapasitasaun no bele hadiak liutan servisu. Ho rekonesimentu ida nee mak harii baze ba kapasitasaun no hadiak-an ba beibeik.

“Hau hatene katak iha dadaun esforsu atu rezolve problemas balun ita hasoru hela iha sistema justisa formal. Esforsu boot neebe dada ona ita-nia atensaun mak proposta ida husi Governu neebe tama foin lalais nee iha Parlamentu Nasional atu altera Estatutu Ministeriu Publiku nian. Hau hein katak inisiativa atu muda lei nee bele kontribui ba prosesu koletivu atu rezolve problema balun neebe mosu iha Ministeriu Publiku,” dehan Lú Olo.

Lú Olo hatutan, sura ho kbiit rasik mak baze uluk liu atu ita haforsa instituisaun sira. Fiar an rasik signifika mos rekonese katak iha limitasaun no tanba nee tenke husu asesoria espesializada nuudar dalan haklean konesimentu no esperiensia sira neebe seidauk iha.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: