Labele Sama K-RDTL,Tuir Gostu

(Foto: STL/Donaciano Magalhães)

DILI, STLNEWS.co – Nasaun ida nee iha ninia dignidade, tanba nee labele sama Konstituisaun Republika Demokratika Timor Leste (K-RDTL), tuir ema ida idak nia gostu ou hakarak.

Deputada Bankada CNRT, Bendita Moniz afirma, nasaun nee sente orgullu bainhira buka rezolve krize politika, ida neee liu husi dalan halo violasaun ba K-RDTL.

“Ita hotu tenke respeita no obedese ba konstituisaun, laos sama fali K-RDTL tuir ita nia hakarak, tanba nasaun iha nia dignidade prospriu maka, ukun no bandu tenke lao tuir K-RDTL laos ukun fora husi koredor K-RDTL nian,” dehan nia ha sala plenariu, Dili, Kinta (01/10/2020).

Nia hatutan koligasaun foun neebe xefe governu defaktu ho orgullu deklara iha uma fukun ida nee, enfelismente koligasaun neebe la moris tuir K-RDTL, hodi viola tiha espiritu no sentidu estadu diretu demokratiku, neebe nia martires da partria sira halo sakrifisiu hodi harii ho ran ho ruin.

Tanba tuir Bendita katak, povu TL hatudu nia matridade laos signifika katak, konkorda ho politiku ambisiozu sira neebe tanba deit hakarak ukun, tenke halo violasaun ba K-RDTL neebe sai ran ho klamar ba RDTL nuudar estadu diretu demokratiku husi povu.

“Povu TL orgulllu bainhira xefe governu defaktu Taur Matan Ruk, hatoo nia dimisaun tuir dalan neebe K-RDTL haruka, maibe hakfodak no sente moe bainhira xefe governu defaktu retira fali nia demisaun, tanba nee loos duni bainhira xefe governu defaktu koalia katak, povu hatudu ninia matridade politika,” Bendita esplika.*

Reportajen: Guilhermina Franco/Domingas Soares
Editor: Carme Ximenes

LEAVE A REPLY

Please enter your comment!
Please enter your name here