DILI, STLNEWS.co – Ministeriu Obras Publiku (MOP) liu husi diresaun laboratoriu fo ona notifikasaun ka samada ba kompanhia 50 resin.
“Ami halo hela samada ba kompanhia 50 resin neebe mak oras nee halao hela obra iha rai laran, oinsa atu lori sira nia material sira nee mai halo teste laboratoriu, tanba atu garante kualidade obra iha rai laran, mak material hotu-hotu tenki liu husi teste laboratoriu, tan nee agora ita fo hela samada ba kompanhia 50 resin, tantu kompanhia rai laran no mos rai liur,” kestaun nee fo sai husi Diretor Laboratoriu Nasional, Saturnino Gomes, ba jornalista sira iha JL Vila Fatuhada, Dili, Sesta nee (22/07/2022).
Nia katak, iha munisipiu sira nee estrada barak mak aat, nee kauza husi natureza, no balu sipervizio mak ladun masimu, tanba nee mak parte laboratoriu ba halo justifikasaun fali, rekolha material sira lori mai halo teste laboratoriu, karik material laiha kualidade mak tenki justifika fali, tan nee kada loron kompanhia sira sempre mai halo teste ktop iha laboratoriu konaba sira nia material sira nee.
(mad)
