Laiha Ligasaun Ho Festa Colmera, Aniceto Keixa Ba PNTL

DILI, STLNEWS.co – Prezidente Parlamentu Nasional (PN) Aniceto Longuinhos Guterres Lopes, dehan laiha ligasaun ka lakonese ho festa iha Colmera, neebe oras nee viral los iha social media. Ho ida nee PPN halo ona keixa ba Komando Jeral PNTL.

Tuir Xefe Gabinete Prezidente Parlamentu Nasional, Alicia Amaral Sarmento hatete, atu klarifika ba publiku kona ba informasaun neebe fo sai iha dia 3 Maiu 2021 iha sosial media Facebook husi ema ID balu hatete, Prezidente PN asaltu poder nia familia ohin kalan halo festa iha Colmera, loja Osan Mean rame demais.

“Ami hakarak klarifika ba publiku katak, publikasaun nee iha tendensia atu dezakredita no defama PPN nia naran, publikasaun ida nee hanesan intensionalmente atu lansa propaganda hodi konstroi persepsaun neebe negativu iha publiku kona ba PPN Aniceto Longuinhos Guterres Lopes. Karik iha duni festa hanesan ID nee hatete, nee laos PPN nia responsabilidade, tanba PPN lahatene i laiha ligasaun ho festa nee,” hatete Xefe Gabinete nee liu husi karta komunikadu imprensa neebe STL simu iha Tersa (04/05/2021) nee.

Xefe Gabinete PPN nee hatete, haree ba publikasaun sira nee sira hakarak esplika pontus sira hanesan, nee hatudu tendensia dezakredita no difama kargu orgaun soberania neebe Aniceto Longuinhos Guterres Lopes asume.

Karik iha duni festa tuir ID nee hatete, husu ba autoridade polisia atu foti medidas hasoru atus husi ema sira neebe organiza no envolve iha festa, tanba viola lei numeru 7/2021, 28 abril konaba deklarasaun estadu emerjensia, alinea C), artigu 4, hatete autoridade publikas, kompatentes bele impoen medidas ba hamenus risku kontajiu no halo medidas prevensaun no kombate epidemia, inklui transmite moras SARS-Cov-2, ida nee konstitui ona krime dezobediensia.

“Ohin kedas PPN Aniceto Longuinhos Guteres Lopes mos halo keixa ba Komandu Jeral PNTL no polisia investigasaun kriminal hodi foti medidas hasoru hahalok sira viola lei no ordem publika,” tenik Alicia iha komunikadu imprensa.

Observasaun jornalista haree iha sosial media katak, relasiona ho pulikasaun informasaun no imajem festa iha Colmera, oras nee dadaun sai preokupasaun ba publiku. I imajen no informasaun nee oras nee viral los iha sosial media.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...
%d bloggers like this: