Laiha Lina Koordenasaun, Saudozo Mauhuno Ba Muzeum Adia Ba Loraik

DILI, STLNEWS.co – Tuir ajenda neebe determina ona, tuir loloos saudozo Mauhuno nia mate isin lori mai Muzeum Rezisténsia iha tuku 10.00 dader, maibe tanba falta komunikasaun no koordenasaun entre familia saudozo ho governu, nunee adia fali ba loraik tuku 6:00 OTL.

Liafuan nee haktuir husi Ministru Asuntus Kombatentes Libertasaun Nasional, Julio Sarmento da Costa alias Meta Malik ba jornalista sira iha Arkivu Muzeum Rezistensia, Domingu nee (26/09/2021).

Nia dehan, tuir loloos orariu neebe iha tuku 10.00 OTL lori mai muzeum, maibe falta koordenasaun entre familia no governu, adia fali ba tuku 06.00 OTL lokraik.

“Ita preokupa demais entaun la konsege, sempre iha failansu, maibe la problema, ita interese mak entrega, konsege hatene no fo solusaun ba saudozo Mauhuno,” dehan ministru nee.

Nia afirma, saudozo Mauhuno nia isin mate tau iha muzeum kalan rua. Tuir programa orariu hader ba saudozo Mauhuno husi instituisaun governu nian, depois misa requiem ba matebian saudozo Mauhuno.

Tuir observasaun jornalista STL iha Muzeum Rezistensia dader tuku 09.00, marka prezensa iha fatin Muzeum Rezistensia mak hanesan Prezidente Konsellu Ministru, Vise PM I, Vise PM II, Ministra Saude, Ministru Obras Publikas, Ministru Administrasaun Estatal, Ministru Finansas, MTCIA, SEAK, Ministru Edukasaun Juventude no Desportu, Ministru Ensinu Superior Siensia no Kultura, Sekretariu Estadu ba Asuntu Kombatentes Libertasaun Nasional, estadu no membru balun.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...