Lakohi Membru Governu Husi KHUNTO Komete Korupsaun

DILI, STLNEWS.co – Prezidente Partidu Kmanek Haburas Unidade Nasional Timor Oan (KHUNTO), Armanda Berta do Santos dehan, nia parte lakohi haree membru governu no membru lejislativu husi partidu KHUNTO komete iha korupsaun.

“Hau sei la tolera reprezentante Partidu KHUNTO nian iha ezekutivu no lejislativu neebe maka viola regras, viola etika no viola prinsipiu no valores paridu KHUNTO nian,” dehan nia liu husi okaziaun aniversairiu Partidu KHUNTO ba dala 10 iha sede nasional partidu KHUNTO Manleuana, Domingo (04/07/2021).

Nia dehan, ida nee nuudar prinsipiu Konsileiru Maximu KHUNTO, Jose do Satos Naimori “Bucar” tanba nee membru sira tenke halo tuir.

“Hanesan ita nian lider supreme hanorin ona ba ita tanba ita hotu reprezentante iha Governu iha parlamentu ita atu servi povu no estadu laos atu servi ba ita nian an ida nee maka sentidu husi prinsipiu no valores partidu KHUNTO ninian neebe ita hotu hatene no tane aas,” dehan Armanda Berta.

Aleinde ida nee, lider maximu KHUNTO nee apela ba militante no estrrutura hotu mantein kalma no tuir orientasaun partidu nian.

Iha fatin hanesan, Konsileiru Maximu Partidu KHUNTO, Jose dos Santos Naimori “Bucar” hatutan, husu membru governu partidu KHUNTO tenke servisu ba povu, tau interese povu boot duke sira nia an.

“Hau husu ba iha membru governu husi Partidu KHUNTO atu hatudu servi povu tau interese povu duke ba imi nia an. Imi halai kareta iha dala karik labele halai makas hodi provaka rai rahun ba povu sira, konsidera sira maka imi nian, no imi iha atu servi sira”, dehan nia.*

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...