Lalenok United Halakon Asalam FC 4:2

DILI, STLNEW.co – Relasiona ho jogu primeira divizaun Liga Futebol Timor Leste, ekipa husi ekipa Lalenok United halakon nia adversariu Asalam Fc ho rezultadu 4:2.

Duelo entre ekipa rua nee realiza iha estádiun Munisipal Dili, Domingu nee (14/11/2021) adeptus husi ekipa rua nee harame tebes estádiun hodi asiste direita jogu refere.

Ekipa rua nee hahu kedas lansa atake bola ba mai iha kampu laran iha minutu 3, ekipa Lalenok fera kedas rede Asalam Fc liu husi jogador ho pozisaun defeza Santiago da Costa husi golu nee rezultadu muda an ba 1:0, intensidade jogu nian komesa aumenta iha minutu 13, ekipa Asalam Fc responde hikas kedas golu ida liu husi jogador avansadu, Boanrudin Amin husi golu refere rezultadu nakfilak ba impata 1:1, iha minutu balu nia laran ekipa Lalenok United suta falta neebe mak lidera husi jogador Italo Soares, maibe la rezulta golu tanba bola neebe mak nia suta aas tiha husi rede adversariu, esforsu Lalenok United nian iha minutu 38 susesu aumenta tan golu ida liu husi suta kantu no hafoin bola barullu iha area baliza nian, ho golu neebe mak lansa husi jogador Daniel Adade ho pozisaun mediu, husi golu refere rezultadu muda hikas ba 2-1,ho golu refere la hamate espiritu vontade ekipa Asalam Fc iha deit minutu 40  ekipa Asalam suta fila kedas golu ida ba rede Lalenok United liu husi jogador iha Asan Ramos husi golu refere rezultadu nakfilak ba impata 2:2, maske ekipa rua kontinua nafatin lansa atake ba malu to’o termina jogu parte dahuluk nian score mantein 2:2.

Hafoin oras deskansa termina ekipa rua nee kontinua hikas ba parte daruak nian iha deit minutu 50, oportunidade nafatin monu ba ekipa Lalenok United liu husi suta kantu, hafoin barullu iha area  baliza, ikus akotense tan golu ida liu husi jogador, Denilson Araujo husi golu refere rezultadu aumenta ba 3:2, ekipa Lalenok neebe mak halo hikas mudansa ba sira nia jogu hodi fo presaun jogu nian ba ekipa adversariu Asalam fc, iha minutu 78 susesu lansa tan golu ida liu husi jogador Daniel Adade rezultadu kontinua muda 4:2 husi rezultadu refere vitoria ba ekipa Lalenok United no nia adversariu Asalam Fc fila ho derota.

Hafoin jogu termina treinador Asalam Fc Adu Marques hatete, jogu iha parte dahuluk nian rezultadu hanesan 2:2.

“Maibe tama fali ba segundu parte ami failla iha fiziku, tanba pengaruh udan neebe namdoras entaun ami lakon ho rezultadu 4:2,” tenik nia.

Iha fatin hanesan, treinador Lalenok United Gaspar Amaral hatete, primeira jogu importante tebes tanba rekolla 3 pontus.

“Hau kontente ho vitoria ida nee, tanba atu joga oinsa mos hau nia jogador sira aplika duni buat neebe mak iha kampu laran,” hakotu nia.

(mar)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...