Lalika Implementa Serka Sanitaria Iha Rai Laran

DILI, STLNEWS.co – Xefe Bankada Uniaun Demokratika Timorense (UDT), Deputadu Francisco David Carlos, husu governu lalika implementa serka sanitaria (SS) iha rai laran, maibe tenke halo sosializasaun nafatin ba povu, atu uza maskra, halo distansiamentu sosial no fase liman bebeik ho sabaun tuir protokolu Covid-19.

Nia dehan, haree husi implementasaun serka sanitaria nee rasik la halo sentidu ruma, tanba moras pozitivu Covid-19 aumenta sae nafatin.

“Serka sanitaria ba hau haree katak la halo sentidu, tanba bainhira iha SS mak moras nee sae makas fila fali la iha diferensa. Ba hau nia opiniaun pesoal SS lalika halo, ita husik povu nee livre, depois mak husi parte MS tenke ser rekomenda no halo sosializa bebeik, ba populasaun sira atu uza maskra no halo distansiamentu sosial i fase liman bebeik tuir protokolu Covid-19 nian,” dehan nia ba jornalista sira iha PN, Dili, Kinta (29/04/2021).

Deputadu nee afirma, tanba Bankada UDT nia observasaun iha SIJK haree katak, iha neeba kuaze laiha ona distansiamentu sosial ba ema sira neebe ba hasai gia de marsa atu sai ba foho, halo ema lakon konfiansa ba regras neebe implementa ba iha Covid-19 nee rasik.

Nia tenik, impaktu lao livre ida agora depois dia 4 fulan Abril neebe inundasaun ho dezastre naturais, haree povu kuaze dezorganizadu relasaun ho serka sanitaria.

“Ita haree nia impaktu mak ema neebe afetadu Covid-19 sae mais nesesariu ita haree katak, embora ita bele halo buat hotu-hotu, maibe ita haree povu nee nia ultrapasa iha defikuldade barak, ekonomikamente roda korador ekonomia iha Timor barak la funsiona lolos,” dehan nia.*

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: