Latolera Polisia Fasilita Illegal Crossing

DILI, STLNEWS.co — Xefe Estadu Maior Jeneral F-FDTL, Major Jeneral Lere Anan Timur afirma labele tolera lutu nasaun (seguransa red) fasilita illegal crossing iha linna fronteira.

“Ohin loron ita bele dehan katak ilegais problema maka ida nee, ilegais iha duni maibe ema halo lutu nee maka dala ruma fasilita ilegais sira ka lae, fasilita neebe labele ida nee hau hanoin katak, nee krime neebe ema komete.

Polísia dehan 10 resin maka fasilita entrada ilegais sira nee. Hau hatete ba Komandante ida nee ita labele tolera tanba ida nee vida nasaun ida nee nian,” hatete Xefe Estadu Maior Jeneral F-FDTL Major Jeneral Lere bainhira remata enkontru regular ho Prezidente Republika iha palasiu Prezidente Bairru Pite, Kuarta (14/10/2020).

Jeneral Lere husu Komandante sira atu bele kontrola ema neebe mak halo patrullamentu iha Fronteira nunee labele monu ba tentasaun.

“Forsa Armadas mos hanesan nee hau nia diretiva ka hau nia orden, hau nia apelu maka Komandante sira katak kontrolla ema sira nee, atu labele monu ba tentasaun sira nee, labele fasilita ilegais sira, ida fasilita ilegais sira nee problema UPF nian,” dehan Lere.

Nia kauza ida polisia sira envolve iha crossing illegal sira nee tanba hela iha neeba tinan ba tinan, nee sala laos sira nian, sala nee Komandu, neebe koloka membru sira iha neeba tinan ba tinan, tan nee sempre monu ba sala ruma, tanba nuudar ema nee fraku.

“Bainhira hau hela iha fatin ida tinan ba tinan nee, hau bele hanoin katak fatin nee hau nia privadu ona, hau halo buat hotu-hotu tuir hau nia hakarak no hau nia vontade. Labele nee maka primeiru Komandante Polísia tenke mos haree revizaun kolokasaun ninia ema iha fronteira,” sujere Lere.

Nia prefere halo eskala rotativa, fulan rua-rua ka fulan tolu-tolu no sira neebe fronteira haruka ba fali fatin seluk, haruka ema seluk ba fali nia fatin hanesan nee, hanesan mos forsa sira abele hela iha neeba permanente.

“Permanente nee sei monu ba sala maka ida fasilita malu nee, sira komesa manan abut ka tendensia ilegais sira nee depois ita dehan katak sira nee ema,” komenta Lere.

Nia argumenta mane ida koloka iha neeba tinan ba tinan fen, oan iha Vikeke, Oekusi, Suai neeba kuitadu tinan ba tinan, tanba nia mos ema iha moral.

Dala ruma mane sira bosok sira sei solteiru, hola tan feto, nee problema boot, depois maka soran familia. “Ita Komandante sira ita maka dala ruma la hatene rezolve, ita sobu familia mos iha sira nee impaktu nee bar-barak bainhira koloka ema tempu barak iha neeba,” tenik Lere.*

Reportajen: Emerenciana Pinto
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Video Vasina https://youtu.be/_p-St6W4XHw Ministério dos Assuntos...

Ema 200 Aprende Materia Kooperativa

DILI, STLNEWS.co - Sidadaun hamutuk 200 tuir formasaun husi Sekretaria Estadu Kooperativa (SEKoop), kona ba materia koperativa nian durante semana ida. Tuir Diretor Jeral Sekretariu...

Hakarak Atividade Lao Normal, Taur Apela Komunidade Simu Vasina

DILI, STLNEWS.co - Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele...
%d bloggers like this: