Lei Aborda Testamunha Bele Sai Arguidu

Jurista Avelino Coelho. (Foto: Espesial)

DILI, STLNEWS.co – Relasiona ho deklarasaun neebe mak hatoo husi lider karismatiku Kay Rala Xanana Gusmão, neebe mak husu Ministeriu Publiku atu notifika nia sai arguidu, tuir jurista Avelino Coelho katak, lei aborda autoriza hela testamunha bele sai arguidu.

Kestaun jurista Avelino Coelho haktuir ba STL liu husi telefone Kinta nee (01/04/2021) hatete, relasiona ho deklarasaun husi lider karismatiku Xanana Gusmão hakarak sai fali arguidu lei kodigo penal 29 too 32 aborda.

“Hanesan hau hateten ona, iha prosesu penal, investigasaun mak determina. Ema ida bele testamunha, depois ho dezenvolvimentu investigasaun bele mos sai fali arguidu, nee prosesu normal. Ita nia kodigu penal, artigo 29 too 32 aborda konaba se se deit maka bele konsidera nuudar komete krime,” nia dehan.

Avelino hatutan, ema ida halo planu, haruka, mesmu ke nia la hola parte iha asaun, nia mos labele ses husi responsabilidade kriminal.

Jurista Timor Oan nee afirma liutan, iha prosesu investigasaun, prosesu penal, depende ba indisius krime. Ema ida ke fofoun bele arguidu, maibe ho investiagsaun la hetan indisius de krime, nia bele sai fali testemunha. I ida be testemunha, ho dezenvolvimentu investigasaun, nia bele sai fali arguidu.

Mesmo ida arguidu ona, nia enkuantu ladauk kondenadu, nia seidauk sala. Bele mos too iha tribunal, faktus ka materias la sufisiente, ema neebe bele absolvidu.

Nia katak, solusaun ihal, depende ba prosesu investigasaun. Se karik iha prosesu investigasaun, haree katak la iha materia sufisiente atu halo akuzasaun, kazu bele taka ka arkivadu. Maibe kazu neebe mak penal, bele mos nakfilak fali ba kazu sivil, katak ema neebe akuzadu bele kesar fali ida neebe mak akuza nia.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here