Lei Cybernetic Importante, Fasilita Informasaun Ba Ajente

DILI, STLNEWS.co – Lei Cybernetic importante tebes atu kria, hodi nunee bele fasilita informasaun ba ajente sira hodi haree krime sira.

Kestaun nee hatoo husi Diretor PCIC (Polisia Cientifika Investigasaun Criminal), Vicente de Brito ba jornalista Kinta (25/02/2021), iha Parlamentu Nasional (PN) hafoin remata hasoru malu ho komisaun A, trata asuntu konstitusionais no justisa.

“Konaba lei Cybernetic nee importante, tanba ita abranza laos tipu de krime, maibe fasilita formasaun ba ajente sira, selae ita bazeia ba iha kodigu penal deit. Neebe ho lei cybernetic nee ita abranza nia tipu identifikasaun de krime, neebe laos ba burla informatika deit maibe ba mos telekomunikasaun no seluk tan”, katak Vicente.

Nia dehan, enkuantu koalia konaba prevensaun krime sira hotu nee, ema dehan katak (amplu) luan tebes, neebe prevensaun nee iha meius oin-oin, depende tanba prevensaun nee ida-idak ho nia asuntu atu bele uza, hanesan prevensaun edukasaun sivika nee importante.

Nunee mos Prokurador Jeral Republika (PGR) Jose da Costa Ximenes, katak, iha hasoru malu Prezidente Parlamentu Nasional (PPN) nee aleinde koalia konaba obra prokurador nian neebe halao ona iha munisipiu Lautem, no nia servisu i durante mandatu tinan 4 nia laran, sira mos koalia konaba lei cyber-crime (Cibernetica). Lei nee haruka ona mai, neebe hein deit atu bele deskute.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here