Lei Eleitoral 3 Aprovadu Iha Jeneralidade, Tama Espesialidade

DILI, STLNEWS.co – Parlamentu Nasional (PN) aprova ona proposta alterasaun lei eleitoral 3 (Orgaun administrasaun Eleitoral, Resensiamentu Eleitoral ho Eleitoral Prezidente Republika) iha jeneralidade ho votus afavor 36, abstensaun 15, kontra 0. Enkuantu iha lei eleitoral PR la altera idade kandidatura PR, tanba define ona iha Konstituisaun da Republika Timor-Leste (KRDTL).

Tuir Prezidente Komisaun A PN, Joaquim dos Santos katak, atu mai informa ba publiku kona ba servisu ikus komisaun A nian, horsehik aprezenta ona ba PN pakote lei eleitoral 3, hanesan alterasaun lei orgaun administrasaun eleitoral, proposta mai husi governu, alterasaun lei resensiamentu eleitoral, proposta mai husi governu, nunee mos alterasaun lei eleitoral ba Prezidente Republika (PR).

Lei nee horisehik sira aprezenta ba PN, no PN aprova ona iha jeneralidade no baixa ona ba komisaun. Atu dehan tuir loos lei nee halo diskusaun iha plenaria, maibe iha plenaria delibera aprova unaminidade hodi haruka hikas mai komisaun A atu kontinua debate iha espesialidade.

“Atu debate iha Dili, maibe espasu laiha atu konvida konvidadus sira mai, neebe komisaun A hetan desizaun husi PPN, atu diskusaun espesialidade, iha Aileu Aisirimou. Enkuantu kona ba idade kandidatu PR nee, labele ona atu altera, tanba nee define iha KRDTL, neebe labele atu muda tanba nee define ona iha KRDTL, neebe mantein ho saida mak KRDTL koalia katak kandidatura ho idade ho 35 anus, enkuantu ba leten nee laiha,” informa Joaquim ba jornalista, Tersa (22/06/2021) iha PN.

Nia dehan, diskusaun nee sei halo durante semena ida nia laran, atu nunee semana oin hatama fali ba PN, hodi aprova iha final global. Neebe diskusaun semana ida nee ba lei eleitoral 3 nee sira tenta atu hotu kedas iha espesialidade.*

Reportajen: Guilhermina Franco/Domingas Soares/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: