Lei Indultu, CNRT La Konkorda Altera Artigu Balun

DILI, STLNEWS.co – Komisaun A halo audensia publika ho Prezidente Tribunal Rekursu (PTR), Prokurador Jeral Republika (PJR) hodi koalia konaba lei indultu, maibe governu la marka prezensa.

Tuir Deputada Bankada CNRT Carmelita Moniz hatete, ohin komisun A halo audensia publika, ho primeira alterasaun ba lei indultu komitasaun pena, komisun A mos rona husi PJR, PTR, no Defensoria Publika Jeral, i Governu mak la marka prezensa.

“Husi perspetiva legal ami haree katak, ladun iha problema, maibe perspetiva justisa ita tenke haree didiak, to’o agora ami Bankada CNRT la konkorda ho alterasaun iha artigus balun,” dehan nia ba jornalista sira iha PN, Kuarta nee (29/09/2021).

Nia esplika, primeiru artigus neebe prinsipal tebes – tebes, koalia konaba ema sese deit neebe ita labele fo indultu.

Nia dehan, iha lei ejistente neebe aprovadu iha tinan hirak liu ba, iha CNRT kaer ukun, iha lei nee hatete katak, ema neebe mak labele hetan indultu,  ema hirak neebe mak komete krime, hetan pena prizaun tinan 8 ou tinan 8 ba leten, nee labele hetan indultu.

Nia tenik, no ema neebe tan mak labele hetan indultu, ema neebe mak halo krime kontra krime korupasaun, halo krime brankamentu deskapitais, hirak nee labele hetan indultu.

Aleinde nee, konaba poder Prezidente Republika, poder neebe Bankada CNRT haree katak, ida nee poder puramente i poder judisiariu, so orgaun judisiariu sira no juiz sira mak halo.

Mesmu Konstituisaun Republika Demokratika Timor Leste (K-RDTL) fo kompetensia nee ba iha PR, maibe labele fo livre totalmente ba PR,  atu toma desizaun hakat liu poder judisial rasik, ida nee labele, tanba nee tenke haree didiak.

Nunee mos Vise Komisaun A, neebe trata suntu konaba konstituisaun no justisa, Deputadu Francisco Vasconselhos hatete, komisaun A ohin halo audensia publika ba PJR, PTR ho governu, maibe ohin governu la desponivel karik, iha asuntu seluk, maibe komisaun A sei rona sira nia opiniaun liu husi textu ruma, liga ba paraser sira bele aprezenta mai.

Nia afirma, ohin iha material importante ida mak diskute, halo audensia publika iha semana liu ba, bankada parlamentares sira husi FRETILIN, PLP ho KHUNTO no Frente-mudansa, UDT ho PUDD aprezenta projetu lei ida mak numeiru 30/V konaba primeira altersaun ba lei numeiru 5/2016 konaba lei indultu nian.

Nia dehan, prosesu estabelese konsensaun ba indultu ho promutasaun, entaun hanesan parte ida mos husi proponente ho razaun barak mak ohin proponente sira aprezenta ba PJR, PTR, maibe sira mos iha objesaun barak konaba projetu lei ida nee.*

Reportajen: Domingas Soares  

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...