DILI, STLNEWS.co – Konferensia Imprensa Eis Jeneral fitun tolu (3) Lere Anan Timur (LAT), neebe halao iha sede nasional Pantai Kelapa, Lere hatete, iha eleisaun segunda volta nee nia dilema atu hili se, karik nia hili ba hamutuk Taur ho Lú Olo, nia sei sai opozisaun ba nia maun Xanana.
Ba hau, situasaun maka ida nee, apezar hau FRETILIN ninian, mais situasaun ida agora nee, ba hau dilema boot, dilema tanba saida, sorin hau haree maun Xanana iha neeba, sorin hau haree maun Taur ho Lú Olo, hau atu ba hamutuk Taur ho Lú Olo mos dilema ba hau, hau atu ba hamutuk ho maun Xanana mos dilema, tanba hau FRETILIN i ba parte rua nee hotu ami mesak maun alin deit,” dehan nia ba jornalista sira iha Sede Nasional LAT, Pantai Kelapa, Dili, Sabadu nee (16/04/2022).
Nia hatutan, daudaun nee nia dilema tebes atu hili se, karik nia hili Taur ho Lú Olo nia sei sai opozisaun ba nia maun Xanana.
“Hau atu marka oinsa, ba hau dilema, se hau ba hamutuk ho hau nia Partidu FRETILIN neebe Lú Olo ho Taur mos iha neeba hotu, hau sei sai opozisaun ba hau nia maun Xanana, tanba ida nee maka ba hau dilema,” informa Lere.
Kontinua ba pajina 2
