Lere Duvidas Ho Rekrutamentu F-FDTL

Xefe Estadu Maior Jeneral F-FDTL, Maijor Jeneral Lere Anan Timur, senti duvidas ho rekrutamentu ba F-FDTL foun, iha fulan Marsu tinan nee, tanba to agora Governu seidauk aprova orsamentu. (Foto: Espesial)

DILI, STLNEWS.co – Xefe Estadu Maior Jeneral F-FDTL, Maijor Jeneral Lere Anan Timur, senti duvidas ho rekrutamentu ba F-FDTL foun, iha fulan Marsu tinan nee, tanba to agora Governu seidauk aprova orsamentu.

Lere hatoo kestaun nee ba jornalista sira liu husi intervista, bainhira remata inkontru iha salaun refetoriu Ministeriu Defesa, Kuartel Jeral F-FDTL, Fatuhada, Dili, Kinta (11/02/2021).

Nia dehan, agora kona ba rekrutamentu F-FDTL foun nian ida nee, bazeia ba desizaun neebe iha politiku nia liman no politiku sira mak kaer distinu nee. Tanba nee nia mos sei duvida hela ho planu rekrutamentu nee, too agora orsamentu seidauk aprova, tanba tempu badak deit ona atu halo rekrutamentu.

“Agora hau sei duvida tanba OJE 2021 sedauk ezekuta nee, iha fulan Abril ita rekruta ona, agora ita iha fulan Fevereiru no Marsu ona no hela fulan ida deit ona, mais governu seidauk rezolve ida nee,” dehan nia.

Jeneral fitun rua nee afirma nia mos preve ba fulan Abril tinan nee atu halo rekrutamentu ba F-FDTL, maibe kestaun ba orsamentu tanba nee desizaun iha politika nia liman.

“Mais buat hotu-hotu preparadu ona atu ba halo rekrutamentu ba membru F-FDTL foun nee, maibe agora kestaun nee governu dehan osan iha ona ita hein halao deit ona,” dehan nia.

Tanba nee Lere husu liuliu ba kestaun teknik, konaba saude ninian no prosesu sira neebe ba halo rekrutantu nian.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here