Lere – Faustino Informa Situasaun Rai Laran Ba PR

DILI, STLNEWS.co – Komandante F-FDTL, Tenente-General Lere Anan Timur ho komandante Geral da PNTL, Komissáriu Faustino da Costa ho Segundu Komandante hasoru malu ho Prezidente Republika, Francisco Guterres Lú Olo, hodi relata situasaun rai laran ba Xefe Estadu.

“Ohin ami nain rua komandante Polisia no Segundu Komandante, ami mai hasoru Prezidente Republika mai informa liu liu konaba situasaun rai laran, ami koalia liu liu konaba Covid neebe mak halo ema barak stress ema barak la kontente, la kontente no stress tanba seidauk mate maibe kuandu ema mate stress nia fatin mak tauk, ami nain rua ho Komandante Jeral PNTL koalia ba Xefe Estadu,” dehan Tenente-General Lere ba jornalista, Iha Palasiu Prezidensial Nicolau Lobato, Bairru Pite, Dili, Kuarta (05/05/2021).

Komandante F-FDTL nee hatutan, kona ba situasaun neebe mak lao iha rai laran no kazu neebe mak akontese iha Mascarenhas dala barak populasaun fo sala PNTL, maibe sira seidauk fo sala membru F-FDTL. Tanba nee husu joven sira atu kumpre nafatin regra kona ba Covid-19 nian.

“Husu ba joven sira, ita nia komunidade komprende tanba Covid-19 ida nee ita hatene, bainhira estadu, governu la jere didiak situasaun ida nee bele halo ema stress, deskontente buat sira nee, tanba hau la fiar ema ida metin liu iha uma laran semana ida rua nee aguenta laiha, maibe hau hanoin katak aban bainrua ita nia governu sei toma medida kona-ba situasaun konkreta Covid-19 ninian.” katak nia.

Iha enkontru nee Prezidente Republika, Francisco Guterres Lú Olo nuudar Komandante Supremu Forsas Armadas ninia papel, knaar ba estabilidade nasional buat sira nee diak, husu PNTL no F-FDTL kontinua mantein seguransa iha rai laran.

Prezidente Republika mos apela ka rekomenda ba Komandante F-FDTL no Komandante PNTL atu servisu hamutuk, servisu didiak tuir lei no ordem neebe mak iha.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

FKHTL Entrega Uma Ba Oan Kiak

DILI, STLNEWS.co - Forum Karidade Humanitaria Timor Leste (FKHTL), entrega uma ba oan kiak Fernanda da Costa Ranguel no Tomazia da Costa Ranguel. Prezidente FKHTL,...

Horta Husu Joven Labele Soe Lixu Arbiru

DILI, STLNEWS.co - Premiadu Nobel da Paz, Jose Manuel Ramos Horta, husu joven sira keta soe lixu arbiru, wainhira halao serimonia ruma iha fatin...

FONGTIL Realiza Dialogu Garante Direitu Ba Rai No Propriedade

DILI, STLNEWS.co - FONGTIL realiza forum dialogu entre orgaun lejislativu, ezekutivu ho organizasaun sosiedade sivil, asuntu garante direitu ba rai no propriedade, hodi nunee...
%d bloggers like this: