DILI- VIII Governu Konstitusional forma no iha ona Primeiru Ministru, tanba nee Governante nain sia neebe maka deskonfia naok osan, labele haterus povu Milaun ida resin iha nasaun ida nee.
Se PM laiha maka ita dehan governu seidauk forma, agora Ministru balu iha ona, saida maka seidauk iha, tanba sira nain haat ka lima neebe maka deskonfiandu dehan naok osan nee maka halo falta governu, laiha, nee ita maka hakarak politiza, ita nia povu um milaun nee labele terus tan ba buat sira nee,” dehan Xefe Estadu Maior Jeneral FALINTIL-Forsa Defeza Timor Leste (F-FDTL), Major Jeneral Lere Anan Timur ba jornalista sira, hafoin remata inkontru ho PR Francisco Guterres Lu Olo, iha Palasiu PR Nicolau Lobato, Kuarta ( 11/07/2018).
Nia dehan, asuwain neebe mak mate ona, labele mate folin laek, tanba deit sira nain sia. Prosesu nee tenke lao ba oin nafatin, ema hotu hotu hatene katak ohin loron nee povu Timor, Emprezariu hotu hotu moris ho orsamentu estadu ninian, se agora maka servidor estadu para, vida nasaun atu sai oinsa.
Iha parte ketak membru ONG Ajar, Insencio Xavier hateten, desijaun Prezidente Republika nian hanesan desijaun politika neebe ho moral, tanba atu asegura dignidade estadu. Notisia kompletu lee iha jornal STL edisaun Kinta (12/07/2018). Carme Ximenes