Lere Husu Governu Kria Kampu Servisu Ba Joven Sira

DILI, STLNEWS.co – Relasiona ho komemorasaun Loron 12 Novembru nian, Xefe Estadu Maior das FALINTIL Forsa Defesa Timor Leste (F-FDTL), Tenente Jeneral Lere Anan Timur husu ba governu atu kria kampu servisu ba joven sira.

Nia dehan, dala barak ona iha tinan 1991 mai to’o tinan 2021 hodi selebra ona tinan ba dala 30 komemorasaun 12 Novembru Masakre Santa Cruz, nunee nia koalia ho Prezidente Komite 12 Novembru nian, primeira vez iha komplikasaun ka buat ida neebe mak bainhira atu komemora loron nee kada tinan, saida mak sala presiza hadia tutuir.

“Ohin serimonia lao diak tebes, motiva mos ba ita nia juventude sira atu bele manan nafatin responsabilidade, inspirante ba ita nia nasaun no ba ita nia povu, maibe mos kestaun pesoal, problema pesoal, hau haree ohin joven balun triste, tanba saida, tanba servisu laiha, osan laiha, no iha injustisa sira neebe uluk lakohi terus, lakohi ukun an, i sira nee dala ruma inan aman maka oho fali, sira nia inan aman ohin loron moris diak, husu ba governu atu kria kampu servisu ba joven sira,” dehan nia ba jornalista sira bainhira remata partisipa iha komemorasaun loron 12 Novembru, Semiteriu Santa Cruz, Dili, Sesta nee (12/11/2021).

Nia hatutan, kuitadu ohin loron sira haree deit, hanesan liafuan hakerek ona iha neeba katak sai fali atan ba RDTL, ida nee loos, nee maka nia mos hanoin katak governu neebe mak ukun tenke tau matan ba ema sira.

“Tanba ukun an nee opsaun ida, opsaun ita tenke responsabiliza idak – idak nia opsaun, i responsabilidade ida maka ita mate ba opsaun ukun an nian,” dehan Lere.

Nia afirma liutan, agora ukun an tiha ona, sira neebe sei moris nee atu halo tan saida, ida nee depende ba ukun nain sira.

Joven sira sobreviventes fo onra no gloria ba sira, neebe mak mate ona, i parabens ba sira neebe mak sei moris, maibe mos iha responsabilidade ba ema neebe sei moris, halo saida atu hatutan sira nia obra se sira moris karik.

(efi)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...