Lere Husu Xanana Koopera Ho Governu

DILI, STLNEWS.co – Xefe Estadu Maior F-FDTL, Tenente Jeneral Lere Anan Timur, husu ba Lider Nasional atu koopera ho Governu, nunee haloot mate isin neebe deskonfia Covid-19, tuir prosedimentu neebe OMS hatur.

Kestaun nee Tenente Jeneral informa relasiona ho Xanana Gusmao neebe kontinua la autoriza governu atu halot mate isin, neebe deskonfia hakotu is tanba moras covid-19.

Tanba tuir Xanana informasaun neebe familia informa ba nia katak, matebian nee mate tanba laos afeita husi Covid-19, maibe mate tanba hetan moras komplikadu.

“Maun sei konfia nafatin hau intrega problema nee mai ami rezolve, maun ba haree nasaun, ami hanoin maun intrega problema nee mai rezolve, tanba mate ona no ita hakoi tiha nunee sala sira neebe maka sira komete kasu tiha,” dehan Tenente Jeneral Lere wainhira deskuti ho lider nasional Xanana Gusmao, iha sala Izolamentu Vera Cruz,Tersa (13/04/2021).

Lere dehan, ohin loron nee lider nasional mak ukun nasaun nee, tanba nee presiza fo liman ba malu hodi rezolve problema neebe iha.

“Ita haree se mak ukun Timor nee, laos ema seluk ema leet, maibe ita mesak ai laran maka ukun Timor nee, tanba wainhira ema maka la fiar entaun signifika la fiar sira neebe husi Ailaran,” informa nia.

Nia hatutan, Xanana nia saude no idade neebe avansadu ona, tanba nee presiza deskansa. “Ida nee problema kikoan no problema boot liu maka problema nasaun nee tanba ita lakon no ema komesa halerik ba hamlaha,” hakotu nia.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here