Lere Informa Atividades F-FDTL Ba PR

Xefe Estadu Maior Jeneral FALINTIL-Forsa Defeza Timor—Leste (F-FDTL), Major Jeneral Lere Anan Timur. (Foto: Media F-FDTL)

DILI, STLNEWS.co – Xefe Estadu Maior Jeneral Forsa Armadas F-FDTL, Major Jeneral Lere Anan Timur informa atividades servisu ba Prezidente Republika Francisco Guterres Lú Olo, iha Palasiu Prezidente Nicolau Lobato, Dili.

Dehan Lere ba Jornista sira, hafoin remata enkontru ho Prezidente Republika, iha Palasiu Prezidente, Nicolau Lobato, Dili, Kuarta (21/10/2020).

“Ohin hau hasoru Prezidente informa deit ami nia atividades no situasaun ida nee deit seluk laiha, informa ba Prezidente Sstuasaun kalma no atividades ami nian mak agora forsa sira halo sira nia ezersisiu hanesan babain no tinan tinan halo ezersisiu kobre iha area Laga,” hatete Jeneral Lere.

Jeneral Fitun Rua nee hatutan ezersisiu nee sei ensera iha loron 30, iha area Laga no kompotente rua mak ba hanesan Komponente Naval no kompotente Tres-Tre.

Entretantu iha enkontru nee Prezidente Republika Francisco Guterres Lú Olo nuudar Komandante Supremu, husu forsa tenke halo ezersisiu, atu manan nafatin espritu militar selae haluha.
Tanba tuir Lere katak Forca ba laos halo ezersisiu deit, maibe ba buka oinsa mak hakalma situasaun ou konflitu iha area Laga. Sira ba iha neeba laos ema leet, maibe mesak familia mak sunu malu fali deit.

Nia fo ezemplu hanesan ezersisiu foin lalais forsa Armadas iha Liaruka, konsege bolu arte marseais dame malu hanesan Korka ho IKS nia fiar katak, sira nia juramentu nee tenke dura labele ohin jura aban tau malu fali.

Iha biban nee mos Lere dehan, kona ba veteranus falsifika dokumentus nia labele fo komentariu, maibe tenke tuir lei neebe mak iha.

“Hau labele koalia ida nee, lei iha para hasoru hanesan foin dadaun dehan, kaer ona nain haat ka nain lima no deside tinan lima ka neen nee lei mak deside sira,” dehan nia.

Aleinde Nee Lere mos hatutan kona ba sosa kilat tenke kontrola, tanba lei autoriza PNTL ho F-FDTL mak kaer kila,t maibe agora ema sivil mos kaer kilat.
Nia la konkorda Timor idak idak sosa kilat, se PISK sosa husi PNTL mak fo sira laos sosa mesak ida nee labele.

Nunee mos hanesan F-FDTL sosa kilat mak fo ba membru sira kaer laos ida idak sosa, ezemplu hanesan IDN mos labele sosa kilat mesak, maibe liu husi F-DTL mak fo ba sira kaer.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here