Lere Informa Rekrutamentu F-FDTL 600 Ba PR

DILI, STLNEWS.co – Komandante FALINTIL Forsa Defeza Timor Leste (F-FDTL), Tenente Jeneral Lere Anan Timur relata atividade rekrutamentu ba membru F-FDTL 600, neebe mak sei halao iha fulan Agostu ba Prezidente Republika, Francisco Guterres Lú Olo.

Dehan Tenente Jeneral, Lere Anan Timur ba jornalista bainhira remata enkontru ho Prezidente Republika, iha rezidensial Prezidente Farol, Dili, Kuarta (12/05/2021).

“Ohin ami hasoru malu ho Prezidente Republika konaba atividade ami nia ohin, ami koalia liu liu konaba rekrutamentu, liu liu Prezidente husu se rekrutamentu sei halao iha tinan ida nee ka lae nee mak hanesan ohin hau dehan katak hau ho Ministru Defeza ami koalia ona katak tinan ida nee ami halao rekrutamentu ba 600, maske iha problema no defikuldade oituan konaba kondisaun atu halao rekrutamentu tanba rekrutamentu ami preve iha loron 9 fulan Agostu,” katak Tenente Jeneral Lere.

Lere dehan, antes Agostu iha kondisaun porezemplu ida mak fardamentu neebe halo kontratu ho Indonezia, segundu konaba infraestrutura neebe iha Metinaro, iha kondisaun bele rekolla 600 iha neeba.

“Kestaun mak fardamentu nee deit, so fardamentu too mak bele halo rekrutamentu ba militar, laos hanesan ami uluk iha ai laran nee mak balun uza kalsa koboy no balun ho kalsa badak, balun ho kamiza mutin depois lori kilat, nee militar profesional ekipamentu mos tenke iha. Ida seluk kona ba prosesu rekrutamentu selesaun dokumentus neebe mak agora halao dadaun, halao hotu ona depois tuir mai divulga sira neebe mak selesaun liu husi dokumentus, depois tuir mai ita sei halo konvokatoriu ba inspeksaun ka ita sei haree saude nomos psikolojia, buat sira nee hotu kuandu ida nee ultimo faze ita haruka bolu inkorporasaun atus neen (600),” Lere salienta.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: