Lere Kandidatu Ba PR, Somotxo: FRETILIN Iha Responsabilidade Politika Moral Apoiu Ou Lae

DILI, STLNEWS.co – Relasiona ho  Xefe Estado Maior Jeneral das  FALINTIL-Forsa Defeza Timor Leste (F-FDTL), Tenente Jeneral Lere Anan Timur, atu kandidata an ba Eleisaun Prezidensial tinan 2022-2027, tuir Deputadu Bankada FRETILIN, Jose Agustinho Somotxo hatete, Partidu FRETILIN iha responsabilidade politika moral atu bele koalia buat ruma atu apoiu ka la apoiu.

Nia dehan, Lere agora jeneral, maibe dezde tinan 1975 to’o mai funu remata nee nia servisu barak no tempu naruk nia servisu ba FRETILIN, nia mos sai hanesan membru komite sentral segundu jerasaun uniku sobre vivente, neebe membru komite sentral sira bele foti iha loron 3 fulan Marsu tinan 1981, neebe ninia maluk sira mate hotu, nain 9 neebe foti eleje iha jona Bilelo Viqueque mate hotu ona.

Nia tenik, foin dadaun ita konta ho Mauk-moruk, maibe nia mate ona hela maka Lere, maske sobre vivente segundu jerasaun iha ai-laran mai to’o agora nia mesak, depois sobre vivente primeira iha ai-laran ohin loron maun Xanana deit, tanba Mauhunu mate ona i sira iha vila laran la sura.

“Hau hanoin FRETILIN iha responsabilidade politika moral para atu koalia buat ruma, la apoiu ka apoiu, buat 2 nee deit. Nonok mos hanesan ita sente figura ida neebe sempre defende FRETILIN iha tempu naruk, baibain nia hatete, mezmu militar mos nia hanoin sei iha FRETILIN,” dehan nia ba jornalista sira iha PN, Kinta nee (25/11/2021).

Nia dehan, tanba nia sempre hatete katak, ba FRETILIN nia lori ninia familia investe ninia vida neebe uluk iha ai-laran, so Lere ho Alex maka lori sira nia familia ba investe ba iha ukun rasik an.

(dom)

LEAVE A REPLY

Please enter your comment!
Please enter your name here

NEWS UPDATE

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...