Lere: Kandidatu Ba PR Too Tempu Mak Koalia

DILI, STLNEWS.co – Xefe Estadu Maior Jeneral, F-FDTL, Tenente Jeneral Lere Anan Timur hatete, atu kandidatu ba Prezidente Republika iha tinan 2022, nee too tempu mak bele koalia hakarak ka lakoi, maibe agora seidauk bele resposta.

Dehan Tenente Jeneral Lere ba jornalista, bainhira remata hasoru malu ho PR, iha Rezidensia Prezidente, Farol, Dili, Kuarta (19/05/2021).

“Kandidatu ba Prezidente, nee too nia tempu mak ita hakarak ka lakoi, se iha nia tempu,” dehan Tenente Jeneral Lere.

Nunee iha mos informasaun katak, lider karismatiku Xanana Gusmão halo kontaktu ho komandante F-FDTL atu iha pakote uniku ida, Tenente Jeneral hatete nia seidauk hasoru Xanana.

“Hau nia Avo Xanana hau nunka hasoru malu, dala ida mak ami hasoru malu iha Tasi-Tolu neeba, nee por kazualidade laos ami konvida malu mak hasoru malu nee laiha ida, maibe hau mos iha kurizidade bee neebe katuas bomba nee, nee mak hau mos ba, ami rua hasoru malu nee maibe ami la koalia ba ida nee,” dehan Lere.

Karik iha duni pakote uniku ida mak atu kompete ba iha eleisaun Prezidensial, Lere dehan, nee laos tuir gostu maibe nee idak idak nia responsabilidade.

“Buat nee laos tuir ita nia gostu maibe nee idak-idak nia responsabilidade, atu sai Prezidente Republika nee responsabilidade boot ida, hanesan ohin ami nain rua Prezidente koalia nee buat nee laos buat ida neebe mak halimar,” katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: