Lere: Kazu Mascarenhas Prosesu Lao hela

DILI, STLNEWS.co – Komandante F-FDTL, Tenente-General Lere Anan Timur hatete, kazu neebe mak akontese iha Mascarenhas halo Polisia tiru komunidade prosesu sei lao hela, tanba labele fo sala ba membru PNTL refere.

“Situasaun neebe imi haree no akompana dala ruma ita nia juventude, populasaun revolta kontra polísia, hanesan foin daudauk imi rona dehan polísia tiru joven sira iha Mascarehas, depois agora dehan sala. ONG sira dehan polísia sala tanba tiru ema nee loos hanesan uluk hau dehan se mak baku ema, oho ema, tiru ema nee krime, sala, maibe ami seidauk fo sala ba ami nia ema. Tanba, lei ida seidauk bandu dehan labele oho ema, baku, no kastigu ema, maibe bainhira hanesan polísia neeba dehan tiru ema nee prosesu sei lao hela too bainhira final mak sala nee ami mak fo nia sala, laos publiku mak fo sala nee la loos ona,” dehan Tenente-General Lere ba jornalista, Iha Palasiu Prezidensial Nicolau Lobato, Bairru Pite, Dili, Kuarta (05/05/2021).

Tenente General Lere hatutan, oras nee prosesu sei lao hela tanba nee mak sira seidauk fo sala ba membru polisia neebe mak tiru komunidade iha Mascarenhas, maibe iha rejultadu fo sai ona katak sala mak komandante sira mak fo sala laos publiku mak fo sala.

“Maibe bele dehan ami nia polísia ka F-FDTL atu ba auto kritika ba populasaun la ba halo, instituisaun rua nee halao nafatin bele Timor naben deit mos halao nafatin ninia misaun dehan kaer lei no orden. Hanesan horsehik Tersa (04/05) imi akompana iha Akademia Militar neeba joven sira hakilar tun sae, imi bele hakilar too iha neebe mos polísia nee ba nafatin, ida mate mos sira seluk la hakiduk nee tanba kumpre nia misaun.” katak nia.

Oknum Polisia Nasional Timor-Leste (PNTL) ida hakanek joven nain tolu (3) nia isin neebe tiru ho pistola mais ou menus ho distansia 5 metru, iha Aldeia Zero 04, Suku Caicoli, Postu Administrativu Vera Cruz, Munisipiu Dili.

Vitima nain tolu nee ho identidade mak hanesan, Domingos Valdo dos Santos (20), tiru kona iha kabas karuk, Pauleta de Jesus Carlos (17), polisia tiru kona-ba iha kelen parte karuk, Ricardo Abrăo da Costa António (18), kanek iha ulun.

Vitima Domingos Valdo dos Santos haktuir kronolojia katak, iha lorokraik mais ou menus tuku lima liu, mosu konfrontu asalta malu entre juventude bairru Maskarinas ho Kailoli. Durante konfrontu, joven sira husi bairru Mascarenhas organiza malu ho sasan kroat hanesan katana no samurai hasoru sira iha Caikoli.

Bainhira too iha postu polisia Maskarenhas nia oin, oknum neebe halo hela seguransa, koko atu hakalma situasaun ho pistola tiru direta hasoru joven sira husi parte Caicoli nian, hodi hakanek sira nain tolu.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: