Lere: Rekrutamentu F-FDTL Sei Agostu

DILI, STLNEWS.co – Komandante F-FDTL, Tenente-General Lere Anan Timur hatete, rekrutamentu ba membru Forsa Defeza Timor Leste, sei rekruta iha fulan Agostu tinan ida nee.

“Rekrutamentu ba membru F-FDTL foun hakarak ka lakohi Agostu tenke halo, ami katuas hotu ona, ami haree ba malu nee hotu-hotu fuk mutin, tropas fuk mutin deit la diak. Sira hanesan 09 too 21 nee sira tinan sia ona, sira uluk tama ho balun tinan 20, balun tinan 25 agora sira balun tinan 45 balun tinan 50 ona,” dehan Tenente-General Lere ba jornalista, iha Palasiu Prezidensial Nicolau Lobato, Bairru Pite, Dili, Kuarta (05/05/2021).

Tenente General Lere hatutan, kona ba atu kontrola komunidade sira ba moras Covid-19 mak ulun moras, maibe ba F-FDTL ulun la moras.

“Covid-19 ita kontrola ulun moras mak ita nia populasaun, maibé militar nee ulun la moras ida, labele bomba rai ida nee.” katak nia.

Lere Anan Timur mak hatoo ba Ministru Defeza no Governu katak uluk dehan rekrutamentu iha fulan Marsu – Abril dada hela deit maibe agora sei la dada ona.

“Hau hatete ba Ministru Defeza (MD) hanesan ba governu uluk ita dada rekrutamentu nee ba Marsu, Abril, Maiu Juñu ba Augostu mak nee ona la dada tan ida nee.” katak nia.

Lere hatutan rekrutamentu muda ba fulan Agostu razaun tanba ida bele dehan osan mak komplikadu uitoan, laos Covid-19, nee bainhira ema tama ona Metinaro neeba nee militar kontrola diak, nee laos populasaun ba kuarentena neeba oras dansa, tebe, toka viola iha neeba, bainhira militar iha neeba nee orden.

“F-FDTL la iha osan agora dehan osan iha neebe, governu sira fo mak hau iha, osan mai husi governu.” katak nia.

Iha biban nee nia hatutan konaba kazu membru F-FDTL baku pasiente Covid-19 iha Suai, too agora seidauk simu relatoriu husi Komandu Munisipiu Covalima.

“Hau simu mak informasaun husi notísia sira nee deit, keixa nee hau seidauk simu, hau antesipa fo informasaun, maibe hau la podia koalia, bainhira hau simu tiha keixa nee mak podia koalia.

Tanba nee notísia deit neebé loos ka la loos nee ami mós la fiar, nee mak ami nunka fó sala ba ami nia ema bainhira laiha prosesu, ita labele kondena ita nia ema iha públiku enkuantu prosesu laiha. Sala nee só ami nain tolu mak hatene, bainhira sala nee ami labele hatete imi ba halo kritika nee la loos ona, ami mak fó sala ba sira.” katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...

Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co - Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP)...

PR Ho Espoza Vizita Eko Turismo Sentru Estudu Mangrove

DILI, STLNEWS.co - Prezidente Republika Francisco Guterres Lú Olo no nia espoza ohin Domingu (01/08/2021) halo vizita ba fatin eko-turismu Sentru Estudo Mangrove, Hera. Iha...
%d bloggers like this: