Lere Relata Seguransa Fronteira No Covid-19 Ba PR

DILI, STLNEWS.co – Xefe Maior Jeneral Forsa Defeza Timor-Leste (F-FDTL), Tenente Jeneral Lere Anan Timur relata seguransa fronteira nomos Covid-19 ba iha Prezidente Republika (PR) Francisco Guterres Lú Olo.

“Ohin ami nain rua Prezidente hasoru malu ami koalia pontus rua deit, ida konaba seguransa fronteira nia, ida ba corona. Corona ita hatene katak ohin loron, hodibainhira Konsellu Superior Defeza no Defeza no Konsellu Estadu reuniaun atu estende tan estadu emerjensia lori ona ba parlamentu sem duvida ke ho nesesidade, ho situasaun Australia, situasaun Indonezia, sem duvida ke estende,” hatete Tenente Jeneral Lere Anan Timur ba jornalista iha Palasiu Prezidente Bairru Pite, Kuarta (30/06/2021).

Komandante F-FDTL nee hatutan, kestaun ke espesifiku Konsellu Ministru mak sei deside, nunee mos konaba situasaun corona nia ema hotu hatene katak nasaun vizinu oras nee lockdown fila fali ona. Sira tama ona situasaun normal maibe tanba ho variantw foun Covid-19 hanesan delta ou alfa, entaun oras nee lokcdown fila fali ona no halo kanselamentu ba movimentasaun.

“Ita mos hanesan nee, ita estadu emerjensia uluk Governu dehan katak tolera ka ou fleksivel hamamar oituan konaba kestaun prevensaun nia, entaun ita nia komunidade lao livre oituan konsentra halo festa, misa buat sira nee hotu. Mais ita rona informasaun katak iha Jakarta neeba, Indonezia, buat foun nee komesa mosu i perigu fali buat uluk nian,” katak Lere.

Nia hatutan, Timor Leste nee mai husi funu ida katak kuandu situasaun diak buat hotu diak, maibe kuandu situasaun aat buka malu mos lahetan. Hanesan corona fofoun mosu iha Timor konaba ema mate, Dili mamuk kareta mos la halo movimentu, ema laiha ba hotu foho. Maibe ikus mate ida rua ladun ona entaun movimentu hanesan babain ona.

Iha biban nee Lere kontinua apela ba komunidade atu rona nafatin estadu nia ordem, estadu nia diretiva tomak.

Iha enkontru nee Prezidente Republika fo hanoin ba Tenente Jeneral Lere atu haree seguransa iha fronteira, hodi hatama ema neebe ho saude diak, ho esperitu nasionalizmu no patriotizmu nunee atu bele servi nia nasaun no povu ida nee.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: